କଟକ: ବିଭିନ୍ନ ତର୍କ ବିତର୍କର ଅନ୍ତ ଘଟି ଆଜି ହାଇକୋର୍ଟରେ ଶ୍ରୀମନ୍ଦିର ଜଗମୋହନ ମରାମତି ମାମଲାର ଶୁଣାଣି ହୋଇଛି । ଜଗମୋହନ ସଂମ୍ପର୍କର ସତ୍ୟପାଠ ଦାଖଲ ଓ ସର୍ବସାଧାରଣଙ୍କ ପାଇଁ କେବେ ଖୋଲାଯିବ ଜଣାଇବାକୁ ହାଇକୋର୍ଟ ନିର୍ଦେଶ ଦେଇଛି । ଆପାତତଃ ଏପ୍ରିଲ ୪ତାରିଖରେ ରତ୍ନ ଭଣ୍ଡାର ଯାଞ୍ଚ ପାଇଁ ଦିନ ଧାର୍ଯ୍ୟ କରାଯାଇଛି । ଏହି ମାମଲାର ପରବର୍ତ୍ତୀ ଶୁଣାଣୀ ଆସନ୍ତା ୫ ତାରିଖରେ ଶୁଣାଣି କରାଯିବ ।
ତେବେ ଜଗମୋହନ ମରାମତି କିପରି ହେବ ଓ କିଏ କିଏ ମାରାମତି କାର୍ଯ୍ୟରେ ନିୟୋଜିତ ହେବ ସେ ନେଇ ମନ୍ଦିର ପ୍ରଶାସନ ନିଷ୍ପତ୍ତି ନେବ ବୋଲି ହାଇକୋର୍ଟ ପକ୍ଷରୁ ଶୁଣାଣି ହୋଇଛି । ଭିତରରୁ ଯିବା ଲୋକଙ୍କର ସ୍କାନିଂ ଓ ଫେସ୍କିଂ ହେବ । କେବଳ ଛାତ ଓ କାନ୍ଥର ଭିଡିଓଗ୍ରାଫି ହେବ । ଯାଞ୍ଚ ବେଳେ କାନ୍ଥ ଓ ଛାତ ବିନା ଅନ୍ୟ କୌଣସି ଜିନିଷକୁ ଛୁଇଁପାରିବେ ନାହିଁ । କୌଣସି ବ୍ୟକ୍ତିଗତ ଜିନିଷ ସେମାନେ ନେଇପାରିବେ ନାହିଁ । ଧୋତି , ଗାମୁଛାଠାରୁ ଆରମ୍ଭ କରି ସମସ୍ତ ଜିନିଷ ଶ୍ରୀମନ୍ଦିର ପ୍ରଶାସନ ଯୋଗାଇ ଦେବ ବୋଲି ଶୁଣାଣି ହୋଇଛି ।
ସୂଚନାଯୋଗ୍ୟ, ଆଜି ପୁରୀ ଗଜପତି ସଚିବାଳୟରେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ । ଏହି ବୈଠକରେ ପୁରୀ ଜିଲ୍ଲାପାଳ, ମୁଖ୍ୟଶାସନ ସଚିବ, ଶ୍ରୀମନ୍ଦିର ପ୍ରଶାସକ, ଆଇନ ମନ୍ତ୍ରୀ ଓ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ । ଭଣ୍ଡାର ଯାଂଚ ବେଳେ ଷ୍ଟାଣ୍ଡାର୍ଡ଼ ଅପରେଟିଂ ପ୍ରୋସିଡ଼ିୟୋର ପାଳନ କରାଯିବ ବୋଲି ନିଷ୍ପତ୍ତି ହୋଇଛି ।
