କେନ୍ଦୁଝରଗଡ : ଜିଲା ସଂସ୍କୃତି ଭବନଠାରେ ରବିବାର ଅନୁଷ୍ଠିତ ଲାଇଫ୍ ସେଭର୍ସ ଗ୍ରୁପ ଟ୍ରଷ୍ଟ କେନ୍ଦୁଝରର ଦ୍ୱିତୀୟ ବାର୍ଷିକ ଉତ୍ସବରେ କେନ୍ଦୁଝରର ଯୁବ ସମାଜସେବୀ ଅଂଶୁମାନ ଚକ୍ରବର୍ତ୍ତୀଙ୍କୁ ସମ୍ବର୍ଦ୍ଧିିତ କରାଯାଇଛି । ଦିବ୍ୟାଙ୍ଗ, ଗରୀବ ଓ ଅସହାୟଙ୍କୁ ସର୍ବଦା ସେବା ମନୋଭାବ ନେଇ ସହଯୋଗର ହାତ ବଢ଼ାଇ ଆସିଥିବା ଉଦୀୟମାନ ଯୁବ ସମାଜସେବୀ ଶ୍ରୀ ଚକ୍ରବର୍ତ୍ତୀଙ୍କୁ ସମାଜ ସେବାକ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ‘ସେବା ସମ୍ମାନ’ରେ ଟ୍ରଷ୍ଟ ସଂଯୋଜକ ସଞ୍ଜୀବ କୁମାର ସାହୁ ଉପଢ଼ୌକନ ଓ ଟ୍ରଫି ଦେଇ ସମ୍ବର୍ଦ୍ଧିିତ କରିଥିଲେ। ଶ୍ରୀ ଚକ୍ରବର୍ତ୍ତୀ ଏହା ପୂର୍ବରୁ ଜିଲା ଓ ଜିଲା ବାହାର ବହୁ ପ୍ରତିଷ୍ଠିତ ଅନୁଷ୍ଠାନ ପକ୍ଷରୁ ସମାଜସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସମ୍ବର୍ଦ୍ଧିିତ ହୋଇ ଜିଲା ପାଇଁ ଗୌରବ ଆଣିଦେଇଛନ୍ତି ।
Comments are closed.