nua o banner

ସଲମାନଙ୍କ ଘର ବାହାରେ ଗୁଳି ଚାଳନା ମାମଲା; ବିଷ୍ଣୋଇ ଗ୍ୟାଙ୍ଗର ଆଉ ଜଣେ ଅଭିଯୁକ୍ତ ଗିରଫ

bjd  ek lkhya koti banner

ମୁମ୍ବଇ: ବଲିଉଡର ଭାଇଜାନ୍‌ ସଲମାନ ଖାନଙ୍କ ବାସଭବନ ବାହାରେ ଗୁଳି ଚାଳନା ମାମଲାରେ ଲରେନ୍ସ ବି‌‌ଷ୍ଣୋଇ ଗ୍ୟାଙ୍ଗର ଆଉ ଜଣେ ସଦସ୍ୟକୁ ଗିରଫ କରିଛି ମୁମ୍ବଇ ପୁଲିସ। ଗିରଫ ଅଭିଯୁକ୍ତ ଜଣକ ହରିୟାଣାର ଫତେହାବାଦ ନିବାସୀ ହରପାଲ ସିଂହ(୩୪) ବୋଲି ଜଣାପଡ଼ିଛି। ସୋମବାର ସନ୍ଧ୍ୟାରେ ତା’ ନିଜ ସହରରୁ ତାକୁ ପୁଲିସ ଗିରଫ କରିଛି। ହରପାଲକୁ ମଙ୍ଗଳବାର ସକାଳେ ମୁମ୍ବଇ ଅଣାଯାଇଛି ଏବଂ ଦିନକ ପରେ କୋର୍ଟରେ ହାଜର କରାଯିବ ବୋଲି ସୂଚନା ରହିଛି। ଗୁଳି ଚାଳନା ମାମଲାରେ ଷଷ୍ଠ ଅଭିଯୁକ୍ତ ଭାବେ ଗିରଫ ହୋଇଛି ହରପାଲ।

ସୂଚନାଯୋଗ୍ୟ, ଗତ ଏପ୍ରିଲ ୧୪ ତାରିଖରେ ମୁମ୍ବଇର ବାନ୍ଦ୍ରାସ୍ଥିତ ସଲମାନ ଖାନଙ୍କ ବାସଭବନ ବାହାରେ ଦୁଇଜଣ ବାଇକ ଆରୋହୀ ଗୁଳି ଚଳାଇ ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ଚଳିତ ମାସ ଆରମ୍ଭରେ ଗିରଫ ହୋଇଥିବା ବିଷ୍ଣୋଇ ଗ୍ୟାଙ୍ଗର ଅନ୍ୟ ଜଣେ ଅଭିଯୁକ୍ତ ମହମ୍ମଦ ରାଫିକ୍ ଚୌଧୁରୀଙ୍କୁ ପଚରାଉଚରା ବେଳେ ସେ ହରପାଲ ସିଂହର ନାମ ନେଇଥିବା ପୁଲିସ ସୂଚନା ଦେଇଛି।

Comments are closed.