ଆଠଗଡ : ସାତଗଡ ରାଜ୍ୟ ତୈଳିକ ବୈଶ୍ୟ ସମାଜର ୫୩ତମ ବାର୍ଷିକ ସାଧାରଣ ଅଧିବେଶନ ଇଚ୍ଛାପୁର ଠାରେ ଦୁଇଦିନ ବ୍ୟାପୀ ଅନୁଷ୍ଠିତ ହୋଇଯାଇଛି । ତୈଳିକ ବୈଶ୍ୟ ସମାଜର ସଭାପତି ନିଧି ସାହୁଙ୍କୁ ପୌରୋହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ସଦର ଟଙ୍କଧର ସାହୁ, ସଂପାଦକ ପବିତ୍ର କୁମାର ସାହୁ କାର୍ଯ୍ୟକ୍ରମ ସଂଯୋଜନା କରିଥିଲେ। ଏଥିରେ ମୁଖ୍ୟଅତିଥି ଭାବେ ସମାଜର ରାଜ୍ୟ ସଭାପତି ଅକାରଣ ସାହୁ, ମୁଖ୍ୟବକ୍ତା ଭାବେ ପୂର୍ବତନ ସଂପାଦକ ବ୍ରଜବନ୍ଧୁ ସାହୁ ସମ୍ମାନିତ ଅତିଥି ଭାବେ ଭାସ୍କର ଚନ୍ଦ୍ର ସାହୁ ଓ ଇଚ୍ଛାପୁର ସରପଞ୍ଚ କବିରାଜ ସାହୁ ଯୋଗଦେଇ ତୈଳିକ ବୈଶ୍ୟ ସମାଜର ଜାତିଭାଇଙ୍କର ବିଭିନ୍ନ ସମସ୍ୟା ଓ ଅନ୍ୟାନ୍ୟ କାର୍ଯ୍ୟକ୍ରମ ସଂପର୍କରେ ଆଲୋଚନା କରିଥିଲେ । ତୈଳିକ ଜାତିର ଗାରିମା ଓ ଦୃଢ ସଂଗଠନ ଓଡିଶାର ପ୍ରତି କୋଣ ଓ ଅନୁକୋଣରେ ପରିବ୍ୟାପ୍ତ ରହିଛି ଏବଂ ଏହାକୁ ଆହୁରି ଅଧିକ କ୍ରିୟାଶୀଳ କରିବା ଉପରେ ଅତିଥିମାନେ ଗୁରୁତ୍ୱାରୋପ କରିଥିଲେ। ଏହି ଅବସରରେ ପ୍ରାୟ ୪୫ହଜାର ଟଙ୍କାର ଶିକ୍ଷାବୃତ୍ତି, ଅସହାୟ ମହିଳାଙ୍କୁ ସିଲାଇ ମେସିନ, ବିଧବା ମାଆମାନଙ୍କୁ ୨୦୦ଟଙ୍କା ଓ ଶାଢୀ ବଣ୍ଟନ କରାଯାଇଥିଲା । ସେହିପରି ଅସହାୟ ପୀଡିତା ମହିଳା ଓ ପୁରୁଷଙ୍କୁ ଚିକିତ୍ସା ସହାୟତା ଲାଗି ୫ଜଣଙ୍କୁ ୩ହଜାର ଟଙ୍କା ଲେଖାଏଁ ପ୍ରଦାନ କରାଯାଇଥିଲା । ଉପସଭାପତି ପ୍ରାଣବନ୍ଧୁ ସାହୁ, କମିଟି ସଦସ୍ୟ ମାଗୁଣି ସାହୁ, ଇଚ୍ଛାପୁର ବେହେରା ପ୍ରଫୁଲ୍ଲ ଚନ୍ଦ୍ର ସାହୁ ପ୍ରମୁଖଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା। ପ୍ରାରମ୍ଭରେ ଇଚ୍ଛାପୁରର ବାଳିକାମାନେ ସ୍ୱାଗତ ସଂଗୀତ ଗାନ କରିଥିଲେ ।
Comments are closed.