ଏନଟିପିସିର ଆଉ ଏକ ୟୁନିଟ ବନ୍ଦ, ବିଦ୍ୟୁତ ଉତ୍ପାଦନ ହ୍ରାସ
ଅନୁଗୁଳ : ଅନୁଗୁଳ ଜିଲା କଣିହାଁରେ ଥିବା ଏନଟିପିସି ପ୍ରକଳ୍ପରେ କୋଇଲା ସଙ୍କଟ ଦେଖାଦେଇଛି। ଫଳରେ କମ୍ପାନୀର ଆଉ ଏକ ୟୁନିଟ ଶନିବାର ବନ୍ଦ କରାଯାଇଛି। ଗତ ୪ ଦିନ ତଳେ ୩ଟି ୟୁନିଟ ବନ୍ଦ କରାଯାଇଥିଲା। ବିଦ୍ୟୁତ ଉତ୍ପାଦନ ପାଇଁ ଆବଶ୍ୟକୀୟ କୋଇଲାର ଅଭାବ ଦେଖା ଦେବା କାରଣରୁ କମ୍ପାନୀ ବାଧ୍ୟ ବଶତଃ ଗୋଟିଏ ପରେ ଗୋଟିଏ ୟୁନିଟ ବନ୍ଦ କରୁଛି। ମୋଟ ୬ଟି ୟୁନିଟରୁ ମାତ୍ର ୨ଟି ୟୁନିଟ କାର୍ଯ୍ୟକ୍ଷମ ରହିଛି। ଏଠାରେ ମୋଟ ୬ଟି ୟୁନିଟରୁ ୩ ହଜାର ମେଗାୱାଟ ବିଦ୍ୟୁତ ଉତ୍ପାଦନ ହେଉଥିବା ବେଳେ ଏବେ ଏହା ୧୦୦୦ ୟୁନିଟକୁ ଖସି ଆସିଛି। ଫଳରେ ବିଦ୍ୟୁତ ଉତ୍ପାଦନ ହ୍ରାସ ପାଇଛି। ସୂଚନା ଅନୁଯାୟୀ, ଭରତପୁର କୋଇଲା ଖଣିରେ ଦୁର୍ଘଟଣା ଘଟିବା ପରେ ଅନେକ ଖଣି ବନ୍ଦ ରହିଛି। ଫଳରେ କୋଇଲା ସଙ୍କଟ କମ୍ପାନୀ କର୍ତ୍ତୁପକ୍ଷଙ୍କ ପାଇଁ ଏକ ବିରାଟ ସମସ୍ୟା ପାଲଟିଛି।
Comments are closed.