ରସୁଲପୁର : ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ଖଣ୍ଡିତର ଷ୍ଟାଡିୟମରେ ସୋମବାର ଅପରାହ୍ନରେ ଯାଜପୁର କବାଡ଼ି ଆସୋସିଏସନ ଆନୁକୂଲ୍ୟରେ ୬୭ତମ ୪-ଦିନିଆ ସର୍ବଭାରତୀୟ ଦିବାରାତ୍ର ପୁରୁଷ ଓ ମହିଳା କବାଡ଼ି ପ୍ରତିଯୋଗିତା ଆରମ୍ଭ ହେବାକୁ ଯାଉଛି। ଉଦଘାଟନ ଉତ୍ସବରେ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେବେ ବୋଲି ଜେକେଏର କାଯ୍ୟକାରୀ ସଭାପତି ପ୍ରଦୀପ କୁମାର ସେଠୀ ଓ ସମ୍ପାଦକ ରବୀନ୍ଦ୍ର କୁମାର ପୃଷ୍ଟି ଜଣାଇଛନ୍ତି । ଏହି ପ୍ରତିଯୋଗିତାରେ ପୁରୁଷ ବିଭାଗରେ ୧୭ଟି ଦଳ ଓ ମହିଳା ବିଭାଗରେ ୧୧ଟି ଦଳ ଭାଗନେବେ। ପୁରୁଷ ବିଭାଗରେ ରାଜ୍ୟ ବାହାରୁ ବିଳାସପୁର (ଛତିଶଗଡ଼), ନାଗପୁର (ମହାରାଷ୍ଟ୍ର), ଗ୍ବାଲିଅର (ମଧ୍ୟପ୍ରଦେଶ), ଦକ୍ଷିଣ-ପୂର୍ବ ରେଳପଥ, ପୂର୍ବ ରେଳବାଇ, କଲକତା ପୁଲିସ ଏବଂ ଓଡ଼ିଶାର କଟକ, ଭୁବନେଶ୍ୱର, କିଟ୍, କଳିଙ୍ଗ ଏକାଡେମୀ (ପଟିଆ), ଢେଙ୍କାନାଳ, ପୁରୀ, ନୂଆପଡ଼ା, ଜଗତସିଂହପୁର, ପିପିଲି, ଯାଜପୁର, ଓଡ଼ିଶା ପୁଲିସ ଭାଗନେବେ। ମହିଳା ବିଭାଗରେ ରାଜ୍ୟ ବାହାରୁ ଦକ୍ଷିଣ-ପୂର୍ବ ରେଳପଥ ଓ ସାଇ ଛତିଶଗଡ଼ ଏବଂ ରାଜ୍ୟ ମଧ୍ୟରୁ ପୂର୍ବତଟ ରେଳପଥ, କଟକ, ଭୁବନେଶ୍ୱର, କିଟ୍, କଳିଙ୍ଗ ଏକାଡେମୀ, ଢ଼େଙ୍କାନାଳ, ପୁରୀ, ଆସ୍କା ଓ ଯାଜପୁର ଆଦି ଦଳ ଭାଗ ନେଉଛନ୍ତି ବୋଲି ସହସମ୍ପାଦକ ସମରେନ୍ଦ୍ର ଦାଶ, ଅନାଦି ଚରଣ ସାହୁ, ସରପଞ୍ଚ ସୁରେନ୍ଦ୍ର କୁମାର ତିଆଡି ପ୍ରକାଶ କରିଛନ୍ତି। ଚଳିତ ବର୍ଷ ଏହି ପ୍ରତିଯୋଗିତା ମ୍ୟାଟ୍ରେ ଖେଳାଯିବ। ଏଥି ପାଇଁ ଷ୍ଟାଡିୟମରେ ପ୍ରସ୍ତୁତି ଶେଷ ହୋଇଛି। ଏହି ପ୍ରତିଯୋଗିତାରେ ୪୫୦ ଖେଳାଳି ଓ ଅଫିସିଆଲ ଭାଗନେବେ।
Popular Categories
Previous article
Next article