ହରଭଙ୍ଗା : ମଧ୍ୟପ୍ରଦେଶର ଇନ୍ଦୋର ଅଞ୍ଚଳର ସୁରେଶ ଚୌହାନ ନାମକ ଜଣେ ବ୍ୟକ୍ତି ବିଶ୍ବରେ ଯୁଦ୍ଧର ଭୟବହତା, କନ୍ୟା ସନ୍ତାନ ସୁରକ୍ଷା ଓ ପରିବେଶ ସୁରକ୍ଷା ଭଳି ବାର୍ତ୍ତା ନେଇ ସାଇକେଲରେ ଯାତ୍ରା କରି ଲୋକଙ୍କୁ ସଚେତନ କରାଉଛନ୍ତି। ଏହି ସଚେତନତା ବାର୍ତ୍ତା ନେଇ ସାଇକେଲ ଯୋଗେ ମଧ୍ୟପ୍ରଦେଶରୁ ଆସି ଓଡିଶାରେ ପହଞ୍ଚିଛନ୍ତି ସୁରେଶ। ପୁରୀରେ ଜଗତର ନାଥ ଶ୍ରୀଜଗନ୍ନାଥଙ୍କ ଦର୍ଶନ କରି ଯୁଦ୍ଧ ବନ୍ଦ ପ୍ରାର୍ଥନା କରିବା ଲାଗି ସେ ଓଡ଼ିଶା ଆସିଥିବା କହିଛନ୍ତି। ତେବେ ଦୀର୍ଘ ୨୦ ବର୍ଷ ହେଲା ଲୋକମାନଙ୍କୁ ସଚେତନ କରିବା ଉଦ୍ଦେଶ୍ୟରେ ସାଇକେଲରେ ରାଜ୍ୟରୁ ରାଜ୍ୟ ବୁଲି ବାର୍ତ୍ତା ପହଞ୍ଚାଉଛନ୍ତି। ଚଳିତ ବର୍ଷ ସୁରେଶ ଏକ ମହତ ଉଦ୍ଦେଶ୍ୟ ରଖି ଏହି ସାଇକେଲ ଯାତ୍ରାରେ ଶ୍ରୀକ୍ଷେତ୍ର ଅଭିମୁଖେ ବାହାରିଛନ୍ତି। ସୋମବାର ସେ ହରଭଙ୍ଗା ବ୍ଲକ ଚାରିଛକରେ ପହଞ୍ଚିଥିଲେ । ବାଣିଭୂଷଣପୁର ସରପଞ୍ଚ ଶ୍ରୀବନ୍ତ ମେହେର, ଚାରିଛକ ବଜାର କମିଟି ମେମ୍ବର ବିଜୟ ଷଡ଼ଙ୍ଗୀ, ଲଲାମ ବାରିକ, ଶଙ୍କର ରାଉଳ, ପ୍ରମୁଖ ତାଙ୍କୁ ସ୍ୱାଗତ କରିବା ସହ ଖାଇବା ରହିବା ବ୍ୟବସ୍ଥା କରିଥିଲେ।
Comments are closed.