ମୁମ୍ବଇ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଅଧ୍ୟକ୍ଷ ମୁକେଶ ଅମ୍ବାନୀ ଏବଂ ରିଲାଏନ୍ସ ଫାଉଣ୍ଡେସନ୍ ମୁଖ୍ୟ ନୀତା ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ କିଛି ମାସ ମଧ୍ୟରେ ରାଧିକା ମର୍ଚାଣ୍ଟଙ୍କ ସହ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ବିବାହ ପୂର୍ବରୁ ତାଙ୍କ ପ୍ରି-ୱେଡିଙ୍ଗ ଉତ୍ସବ କିଛି ଦିନ ମଧ୍ୟରେ ଆରମ୍ଭ ହେବାକୁ ଯାଉଛି। ଏହାର ଠିକ୍ ପୂର୍ବରୁ ଅନନ୍ତ ଅମ୍ବାନୀ ଏକ ବଡ଼ ବୟାନ ଦେଇଛନ୍ତି। ସେ ଆକାଶ ଅମ୍ବାନୀଙ୍କୁ ‘ରାମ’ଙ୍କ ଭଳି ଭାଇ ବୋଲି କହିଛନ୍ତି।
ଏକ ସାକ୍ଷାତକାରରେ ଅନନ୍ତ ଅମ୍ବାନୀ କହିଛନ୍ତି, ତାଙ୍କ ପିତା ଓ ସାନବାପା ଅନୀଲ ଅମ୍ବାନୀଙ୍କ ମଧ୍ୟରେ ଭାଇ ଭାଗ ନେଇ ଯେପରି ଝଗଡ଼ା ହୋଇଥିଲା, ସେ ଭୟ ତାଙ୍କର ନାହିଁ। ବରଂ ତାଙ୍କ ବଡ଼ ଭାଇ ଆକାଶ ଠିକ୍ ରାମଙ୍କ ପରି ବୋଲି କହିଛନ୍ତି ଅନନ୍ତ।
ସୂଚନାଯୋଗ୍ୟ ଯେ, ରିଲାଏନ୍ସ ପରିବାରର ପୂର୍ବ ପୀଢିରେ ସମ୍ପତ୍ତି ଭାଗକୁ ନେଇ ବଡ଼ ଝଗଡ଼ା ହୋଇଥିଲା, ଯାହାକୁ ନେଇ ଗଣମାଧ୍ୟମରେ ଖୁବ୍ ଚର୍ଚ୍ଚା ହୋଇଥିଲା। ମାଆ କୋକିଲାବେନଙ୍କୁ ମୁକେଶ ଅମ୍ବାନୀ ଓ ଅନୀଲ ଅମ୍ବାନୀଙ୍କ ଝଗଡ଼ାରେ ହସ୍ତକ୍ଷେପ କରିବାକୁ ପଡ଼ିଥିଲା। ଏହାପରେ ରିଲାଏନ୍ସର ବ୍ୟବସାୟ ଭାଗ ହୋଇଗଲା। ମୁକେଶ ଅମ୍ବାନୀଙ୍କୁ ରିଲାଏନ୍ସ ଇଣ୍ଡଷ୍ଟ୍ରିଜ୍ର ମାଲିକାନା ମିଳିଥିବାବେଳେ ଅନୀଲ ଅମ୍ବାନୀ ରିଲାଏନ୍ସ ଟେଲିକମ୍ ଏବଂ ରିଲାଏନ୍ସ କ୍ୟାପିଟାଲ୍ ଭଳି ବ୍ୟବସାୟ ପାଇଥିଲେ।
Comments are closed.