ରାଜସ୍ଥାନ: ରାଜସ୍ଥାନ ଅଜମେରରେ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ରାସ୍ତାରେ ଜଣେ ଯୁବତୀ ହାତରେ ବନ୍ଧୁକ ଧରି ଗୁଳି ଚଳାଇବାର ଭିଡିଓ ଭାଇରାଲ ହୋଇଛି। ଯୁବତୀ ଜଣକ ଅଜମେରର ବାଲୁପୁରର ଶିବାନୀ ବୋଲି ଜଣାପଡିଛି। ଶିବାନୀ ଏହି ଭିଡିଓଟିକୁ ନିଜ ସୋସିଆଲ ମିଡିଆରେ ସେୟାର କରିବା ପରେ ପୁଲିସ ତତ୍ପର ହୋଇଉଠିଛି।
ଏହି ଘଟଣାରେ ପୁଲିସ ଶିବାନୀଙ୍କୁ ଗିରଫ କରିଛି। ତେବେ ଗିରଫ ହେବା ପରେ ଶିବାନୀ କହିଛନ୍ତି ଭିଡିଓରେ ସେ ଯେଉଁ ବନ୍ଧୁକ ବ୍ୟବହାର କରିଛନ୍ତି , ତାହା ନକଲି । ଏବଂ ବନ୍ଧୁକଟିକୁ ସେ ଆମାଜନରୁ କିଣିଛନ୍ତି। ପରେ ୨୦ହଜାର ଟଙ୍କା ଦେୟରେ ଶିବାନୀଙ୍କୁ ଜାମିନ୍ ମିଳିଛି।
