ନୂଆଦିଲ୍ଲୀ: ସଂପ୍ରତି ମଧ୍ୟପ୍ରାଚ୍ୟରେ ଯୁଦ୍ଧ ଉତ୍ତେଜନା ଚରମ ସୀମାରେ ଉପନୀତ ହୋଇଥିବାବେଳେ ଏୟାର ଇଣ୍ଡିଆ ପକ୍ଷରୁ ଇରାନ, ଇରାକ ଓ ଇସ୍ରାଏଲର ଆକାଶସୀମାକୁ ଏଡାଇ ଦିଆଯାଉଛି। ଏୟାର ଇଣ୍ଡିଆ ପକ୍ଷରୁ ଏ ସମ୍ପର୍କରେ ଯାତ୍ରୀଙ୍କୁ ଅବଗତ କରାଯାଇଛି। ଆଗାମୀ ଦିନରେ ସଂଯୁକ୍ତ ଆରବ ଏମିରେଟ୍ସ, କାତାର, ଓମାନ ଓ କୁଏତ୍ ଭଳି ପଶ୍ଚିମ ଏସିଆର ଦେଶଗୁଡିକୁ ଯାତ୍ରା କରିବାକୁ ଥିବା ଏୟାର ଇଣ୍ଡିଆ ବିମାନ ବିକଳ୍ପ ରାସ୍ତାରେ ଯାତ୍ରା କରିବ ବୋଲି କୁହାଯାଇଛି। ୟୁରୋପ ଓ ଉତ୍ତର ଆମେରିକାରୁ ଏସିଆ ଆସୁଥିବା ବିମାନଗୁଡିକ ମଧ୍ୟ ପ୍ରଭାବିତ ହେବ ବୋଲି ଆଶଙ୍କା ଉପୁଜିଛି। ବିକଳ୍ପ ରୁଟ୍ରେ ଯାତ୍ରା କଲେ ଅଧିକ ସମୟ ଲାଗିବ ଏବଂ ବିମାନ ଭଡା ବୃଦ୍ଧି ପାଇପାରେ ବୋଲି ମଧ୍ୟ ଏୟାର ଇଣ୍ଡିଆ ପକ୍ଷରୁ କୁହାଯାଇଛି। ଯାତ୍ରୀଙ୍କ ସୁରକ୍ଷାକୁ ଅଗ୍ରାଧିକାର ଦିଆଯାଉଥିବାରୁ ଏଭଳି ନିଷ୍ପତ୍ତି ନିଆଯାଇଛି ବୋଲି ଏୟାର ଇଣ୍ଡିଆ କର୍ତ୍ତୃପକ୍ଷ କହିଛନ୍ତି।
Popular Categories
Previous article
Next article