ସମାଜ ଡିଜିଟାଲ ଡେସ୍କ: ଚମ୍ପିଆନ୍ସ ଟ୍ରଫିରେ ଗ୍ରୁପ ବି’ର ଏକ ଗୁରୁତ୍ଵପୂର୍ଣ୍ଣ ମ୍ୟାଚରେ ଶୁକ୍ରବାର ଆଫଗାନିସ୍ତାନ ଅଷ୍ଟ୍ରେଲିଆକୁ ୨୭୪ ରନର ଟାର୍ଗେଟ ଦେଇଛି। ଆଫଗାନିସ୍ତାନ ଟସ୍ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୨୭୩ ରନ ସଂଗ୍ରହ କରିବାରେ ସକ୍ଷମ ହୋଇଛି। ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିବାବେଳେ ସେଦିକୁଲ୍ଲା ଅଟଳ ଏବଂ ଅଜମାତୁଲ୍ଲା ଓମାରଜାଇ ଆକର୍ଷଣୀୟ ଇନିଂସ ଖେଳିଥିଲେ। ଅଟଳ ୯୫ ବଲରୁ ୮୫ ଏବଂ ଓମାରଜାଇ ୬୩ ବଲରୁ ୬୭ ରନ କରିଥିଲେ। ଅନ୍ୟ କୌଣସି ଖେଳାଳ ପ୍ରଭାବୀ ପ୍ରଦର୍ଶନ କରିପାରି ନ ଥିଲେ।
ଅଷ୍ଟ୍ରେଲିଆ ପକ୍ଷରୁ ବେନ୍ ଡ୍ବାରଶୁଇସ ସର୍ବାଧିକ ୩ଟି ଉଇକେଟ ନେଇଥିବାବେଳେ ସ୍ପେନସର ଜନସନ ଓ ଆଦାମ ଜାମ୍ପା ୨ଟି ଲେଖାଏ ଏବଂ ନାଥାନ ଏଲିସ ଓ ଗ୍ଲେନ ମାକ୍ସଓ୍ବେଲ ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ।
Comments are closed.