ଜି.ଉଦୟଗିରି : ନିକଟସ୍ଥ ଗୁଡ୍ରିପଡି ଠାରେ ରବିବାର ଏକ ବୁଲେଟ ସହ ବାଇକ ମୁହାଁମୁହିଁ ଧକ୍କା ହେବା ଫଳରେ ଛୋଟ ଛୁଆ କୁ ମିଶାଇ ୬ ଜଣ ଗୁରୁତର ହୋଇଥିବା ଜଣାପଡିଛି । ବିବରଣୀରୁ ପ୍ରକାଶ ଯେ ଏକ ବୁଲେଟରେ ୩ ଜଣ ରାଇକିଆ ଅଭିମୁଖେ ଯାଉଥିବା ବେଳେ ବିପରୀତ ପଟୁ ଏକ ବାଇକ ଯୋଗେ ଜି.ଉଦୟଗିରି ଥାନା ରଟିଙ୍ଗିଆ ଅଭିମୁଖେ ଫେରୁଥିବା ସମୟରେ ଗୁଡ୍ରିପଡି ନିକଟରେ ମୁହାଁମୁହିଁ ଧକ୍କା ହୋଇଥିଲା। ଫଳରେ ବୁଲେଟ ଚାଳକ ସୁବ୍ରତ ପ୍ରଧାନ ୪୦ ରଜନୀକାନ୍ତ ପ୍ରଧାନ ୪୨, ବାଇକ ଚାଳକ ଲାଲୁ ନାୟକ ୩୫, ରୁଚିମା ପ୍ରଧାନ ୨୫, ଲିନା ଦିଗାଲ ୩୧ ଓ ସୃଷ୍ଟି ନାୟକ ୩ ଆହତ ହୋଇଛନ୍ତି । ସ୍ଥାନୀୟ ଲୋକ ଅଗ୍ନିଶମ ବାହିନୀ ଏବଂ ପୋଲିସ କୁ ଫୋନ ଯୋଗେ ଘଟଣା ବାବଦରେ ସୂଚନା ଦେଇଥିଲେ। ଥାନା ଅଧିକାରୀ ଅଜୟ କୁମାର ସ୍ୱାଇଁ ଏବଂ ଅଗ୍ନିଶମ ଅଧିକାରୀ ଦଳ ସହ ଘଟଣା ସ୍ତଳରେ ପହଞ୍ଚି ସମସ୍ତଙ୍କୁ ଉଦ୍ଧାର କରି ଅଗ୍ନିଶମ ଗାଡି ଓ ପୁଲିସ ଗାଡିରେ ନିକଟସ୍ଥ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣି ପ୍ରାଥମିକ ଚିକିତ୍ସା କରାଯାଇଥିଲେ। ପ୍ରାଥମିକ ଚିକିତ୍ସା ପରେ ସମସ୍ତଙ୍କୁ ଫୁଲବାଣୀ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।
Comments are closed.