ଲାଞ୍ଜିଗଡ଼ : ଲାଞ୍ଜିଗଡ ବ୍ଲକରେ ଦିନକୁ ଦିନ ସଡକ ଦୁର୍ଘଟଣା ବୃଦ୍ଧି ପାଉଥିବାବେଳେ ଆଜି ଏକ ହୃଦୟ ବିଦାରକ ସଡକ ଦୁର୍ଘଟଣା ଅଞ୍ଚଳରେ ଚର୍ଚ୍ଚାର ପରିସରକୁ ଆସିଛି। ସୂଚନା ଅନୁସାରେ, ବିଶ୍ୱନାଥପୁର ସ୍ଥିତ ଜ୍ୟୋତି ପୋଡୱାଲ ଓ ତାଙ୍କ ବଡ ଭଉଣୀ ନମିତା ଜୈନ(୪୨) ଆମ୍ବାଦୋଳାରୁ ଘର ବିଶ୍ୱନାଥପୁର ଫେରୁଥିବାବେଳେ ପୋଖରୀବନ୍ଧ ସ୍ଥିତ ରାଧେ କ୍ରସରର ଏକ ହାଇୱା ଗାଡି ଓଡି-୧୮(ଜି)୧୦୧୧ ବିଶ୍ୱନାଥପୁର ଅଭିମୁଖେ ଦ୍ରୁତ ଗତିରେ ଆସୁଥିବାବେଳେ ବିଶ୍ୱନାଥପୁର ବିଦ୍ୟୁତ ବିଭାଗ ଷ୍ଟ୍ରକଚର ପାଖରେ ମଟରସାଇକଲକୁ ଧକ୍କା ଦେଇଥିଲା । ଜ୍ୟୋତି ପୋଡୱାଲର ଭଉଣୀ ନମିତା ଜୈନ ହାଇୱା ତଳେ ଚାପି ହୋଇ ମୃତ୍ୟୁ ବରଣ କରିଥିବା ବେଳେ ତାଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା ଓ ତାଙ୍କ ଭାଇ ଜ୍ୟୋତି ପୋଡୱାଲ ଖଣ୍ଡିଆ ଖାବରା ହୋଇ ଅତ୍ୟନ୍ତ ଗୁରୁତର ହୋଇଥିବା ଜଣାପଡିଛି। ଏ ଘଟଣା ଘଟିବା ପରେ ଦୁର୍ଘଟଣା ଘଟାଇଥିବା ଗାଡିକୁ ଅଞ୍ଚଳବାସୀ ଦିର୍ଘ ଏକଘଣ୍ଟା ଅଟକାଇ ରଖିଥିଲେ। ଘଟଣାର ଖବର ପାଇ ବିଶ୍ୱନାଥପୁର ଆଇଆଇସି ରୁନୁ ମାଝୀ ଘଟଣା ସ୍ଥଳରେ ପହଞ୍ଚି ଗାଡି ଓ ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ଏ ନେଇ ବିଶ୍ୱନାଥପୁର ଥାନା କେସ ନଂ-୩୩/୨୦୨୦ ଆପିସି ୨୭୯/୩୦୪(ଏ)ରେ ଏକ କେସ୍ ରୁଜୁ କରି ତଦନ୍ତ ଜାରି ରଖିଥିବା କହିଛନ୍ତି।
Popular Categories
Previous article
Next article