ନୂଆଦିଲ୍ଲୀ:ମୁମ୍ବାଇ ବୋମା ବିସ୍ଫୋରଣରେ ଅନ୍ୟତମ ଅଭିଯୁକ୍ତ ଗ୍ୟାଙ୍ଗଷ୍ଟାର ଆବୁସାଲେମ ଦ୍ୱିତୀୟ ବିବାହ ପାଇଁ ପାରୋଲ ଆବେଦନକୁ ଖାରଜ କରିଛନ୍ତି ମୁମ୍ବଇ କମିଶନର। ୧୯୯୩ ମୁମ୍ବଇ ସିରିଜ ବୋମା ବିସ୍ଫୋରଣରେ ଆବୁସାଲେମ୍ଙ୍କୁ ଆଜୀବନ କାରାଦଣ୍ଡ ହୋଇଛି। ଏହି ବିସ୍ଫୋରଣରେ ୨୫୭ଜଣଙ୍କ ମୃତୁ୍ୟ ହୋଇଥିବାବେଳେ ୭୧୩ଜଣ ଆହତ ହୋଇଥିଲେ। ଆବୁ ତାଲୋଜା ଜେଲରେ ରଖାଯାଇ ଥିବାବେଳେ ସେ ଦ୍ୱିତୀୟ ବିବାହ କରିବା ପାଇଁ ୪୫ଦିନର ପାରୋଲ ପାଇଁ ଆବେଦନ କରିଥିଲେ। ସାୟିଦ ବାହାର କୌସର ନାମକ ଜଣେ ମହିଳାଙ୍କୁ ଦ୍ୱିତୀୟ ଥର ବିବାହ ପାଇଁ ଆବୁ ରାଜି ହେବା ସହ ତାଙ୍କୁ ଉତ୍ତରପ୍ରଦେଶ ସେଣ୍ଟ୍ରାଲ ଜେଲକୁ ସ୍ଥାନାନ୍ତର ପାଇଁ ଆବେଦନ କରିଥିଲେ। ତେବେ ଏହି ଆବେଦନକୁ ମଧ୍ୟ କୋର୍ଟ ଖାରଜ କରିଦେଇ ଥିଲା।
