କଣ୍ଟାବାଞ୍ଜି: ବଲାଙ୍ଗିର ଜିଲ୍ଲା ଟିଟିଲାଗଡର ୩ ଜଣ କାର୍ଯ୍ୟରତ ସାମ୍ବାଦିକଙ୍କୁ ବିଦ୍ୟୁତ ବିଭାଗ ଏସଡିଓ ସହ ଅନ୍ୟ କର୍ମଚାରୀମାନେ ଗତକାଲି ଆକ୍ରମଣ କରିଥିଲେ। ଏନେଇ ଟିଟିଲାଗଡ ଥାନାରେ ସାମ୍ବାଦିକ ଏତଲା ମଧ୍ୟ ଦେଇଛନ୍ତି। ତେବେ ଏହି ଘଟଣାକୁ କଣ୍ଟାବାଞ୍ଜି ପ୍ରେସ କ୍ଲବ ଦୃଢ ନିନ୍ଦା କରିଛି। କଣ୍ଟାବାଞ୍ଜି ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜାଙ୍କ ନେତୃତ୍ୱରେ ଏକ ପ୍ରତିନିଧି ଦଳ କଣ୍ଟାବାଞ୍ଜି ତହସିଲଦାର ଅଞ୍ଜଳି ମାଝୀଙ୍କ ଜରିଆରେ ମୁଖ୍ୟମନ୍ତ୍ରୀ ଏବଂ ପୁଲିସ ଏସଡିପିଓ ଗୌରାଙ୍ଗ ଚରଣ ସାହୁଙ୍କ ଜରିଆରେ ପୁଲିସ ମହାନିର୍ଦେଶନଙ୍କୁ ଦାବି ପତ୍ର ଦେଇଛନ୍ତି। ସାମ୍ବାଦିକ ମାନଙ୍କ ଉପରେ ଆକ୍ରମଣ କରିଥିବା ଟାଟା ପାୱାର ବିଦ୍ୟୁତ ବିଭାଗ ଅଧିକାରୀ ତୁରନ୍ତ ଗିରଫ, ଚାକିରୁରୁ ବହିସ୍କାର କରିବା ସହ ରାଜ୍ୟରେ ବିଭିନ୍ନ ସମୟରେ ସାମ୍ବାଦିକମାନଙ୍କ ଉପରେ ହେଉଥିବା ଆକ୍ରମଣ ରୋକିବା ପାଇଁ ସାମ୍ବାଦିକ ସୁରକ୍ଷା ଆଇନ ପ୍ରଦାନ କରିବାକୁ ଦାବି କରାଯାଇଛି। ଦାବିପତ୍ର ଦେବା ସମୟରେ ପ୍ରେସ କ୍ଲବ ସମ୍ପାଦକ ସୁରଦାସ ବାଗ ସହ ହନି ସିଂ, ଉପସଭାପତି ମନୋଜ ଶର୍ମା,ସହ ସମ୍ପାଦକ ବିସିକେଷନ ମାଝି, ପରାମର୍ଶଦାତା ଆଶିଷ ଖୈତାନ ସହ ଅନ୍ୟ ସଦସ୍ୟ ଉପସ୍ଥିତ ଥିଲେ।
ଦେଖନ୍ତୁ ଭିଡିଓ ; କାଶୀ ବିଶ୍ୱନାଥ ମନ୍ଦିରରେ କେମିତି ଗର୍ଭଗୃହକୁ ଖସି ପଡିଲେ ମହିଳା ଶ୍ରଦ୍ଧାଳୁ..
