କଲକାତା: ନୂଆ ବର୍ଷର କ୍ୟାଲେଣ୍ଡରରେ ଆପଣ କିପରି ଫଟୋ ଦେଖିବାକୁ ଚାହୁଁଛନ୍ତି? ସାଧାରଣତଃ ନୂଆ ବର୍ଷର କ୍ୟାଲେଣ୍ଡରରେ ସୁନ୍ଦର ପ୍ରାକୃତିକ ସୌନ୍ଦର୍ଯ୍ୟ ଅଥବା ସୁନ୍ଦର ମଡ଼େଲକୁ ସ୍ଥାନ ଦିଆଯାଇ ଥାଏ। ତେବେ ୨୦୧୯ନୂଆ ବର୍ଷ ଆପଣଙ୍କ ପାଇଁ ଆଣିବ ନୂଆ ବ୍ୟତିକ୍ରମ। “ବାଇ ଉମରା’ ନାମକ ଏକ ସଂଗଠନ ରାସ୍ତା ପାଶ୍ୱର୍ର ଭିକାରୀ ଓ ଜରା ନିବାସର ବୃଦ୍ଧା, ବୃଦ୍ଧଙ୍କୁ ନୂଆ ବର୍ଷର କ୍ୟାଲେଣ୍ଡର ପାଇଁ ମଡ଼େଲ ଭାବେ ମନୋନୀତ କରିଛନ୍ତି। ଏଭଳି ପ୍ରୟାସ ଅସହାୟଙ୍କ ମୁହଁରେ ହସ ଫୁଟାଇବା ସହ ସେମାନଙ୍କ ଆର୍ଥିକ ସ୍ଥିତିକୁ ସୁଦୃଢ କରିବ ବୋଲି କହିଛନ୍ତି ଫେସନ ଡିଜାଇନର ଅଗ୍ନୀମିତ୍ର ପଲ। ଆଜିର ଦୈନନ୍ଦିନ ଯୁଗରେ “କିଂ ଫିସର’ କ୍ୟାଲେଣ୍ଡରରେ ସୁନ୍ଦରୀ ତରୁଣୀ ଓ ମଡ଼େଲଙ୍କୁ ସ୍ଥାନ ଦିଆଯାଉଛି। ହେଲେ ବାସ୍ତବତାକୁ ତୋଳି ଧରିବାକୁ ହେଲେ ରାସ୍ତା ପାଶ୍ୱର୍ର ଅସହାୟ ବୟୋଜ୍ୟେଷ୍ଠଙ୍କ ଜୀବନଶୈଳୀକୁ ଦେଶବାସୀଙ୍କ ସମ୍ମୁଖରେ ଆଣିବାର ସମୟ ଆସିଛି। ଏଭଳି ପ୍ରୟାସ ଆଗାମୀ ଦିନରେ କେତେ ଦୂର ସଫଳ ହେବ ତାହା ୨୦୧୯ କ୍ୟାଲେଣ୍ଡରରୁ ଜଣା ପଡ଼ିବ।
ଜରାନିବାସର ବୟୋଜ୍ୟେଷ୍ଠ ନାଗରିକ ଓ ଭିକାରୀ ହେବେ କ୍ୟାଲେଣ୍ଡର ମଡେଲ
Popular Categories
Previous article
Next article