ନାରାୟଣପାଟଣା : ବିଶାଖପାଟଣା ଜିଲା ଆରକ୍ଷୀ ଅଧୀକ୍ଷକ ରାହୁଲ ଦେବ ଶର୍ମାଙ୍କ ନିକଟରେ ଆନ୍ଧ୍ର ପ୍ରଦେଶର ସିପିଆଇ ମାଓବାଦୀ ପେଦାବାୟାଲୁ ସଙ୍ଗଠନର ଆଞ୍ଚଳିକ କମିଟି ସଦସ୍ୟ ତଥା ଆନ୍ଧ୍ର ଓଡ଼ିଶା ସୀମାନ୍ତ ସ୍ପେଶାଲ ଜୋନାଲ କମିଟିର ସକ୍ରିୟ ସଦସ୍ୟ ବାନ୍ତଲା ବାଲାକ୍ରିଷ୍ଣା ନାଇଡ଼ୁ ଓରଫ୍ ବିବେକ ଆଜି ଆତ୍ମସମର୍ପଣ କରିଛି। ସେ ବି.ଟେକ ଇଞ୍ଜିନିୟର ଭାବେ ଡିଗ୍ରୀ ହାସଲ କରିଥିବା ଜଣାଯାଇଛି। ଏତେ ଉଚ୍ଚଶିକ୍ଷିତ ଯୁବକ କାହିଁକି ସମାଜର ମୁଖ୍ୟସ୍ରୋତରେ ନ ରହି ମାଓ ସଙ୍ଗଠନରେ ଯୋଗ ଦେଇଥିଲେ ତା’ର ତଦନ୍ତ ଆରମ୍ଭ କରିଛି ପୁଲିସ। ବାଲାକ୍ରିଷ୍ଣାଙ୍କ ନାଁରେ ୪ ଲକ୍ଷ ଟଙ୍କାର ପୁରସ୍କାର ରହିଥିଲା।
