କଟକ : ଭୁବନେଶ୍ୱରର କଳାରାହାଙ୍ଗ ମୌଜାରେ ୫୦ ଏକର ସରକାରୀ ଜମିରୁ ଜବରଦଖଲ ଉଚ୍ଛେଦ ପାଇଁ ହାଇକୋର୍ଟରେ ଜନସ୍ୱାର୍ଥ ମାମଲା ରୁଜୁ ହୋଇଛି। ଖୋର୍ଦ୍ଧା ଜିଲା କଲ୍ୟାଣପୁରର ଅଚ୍ୟୁତାନନ୍ଦ ସ୍ୱାଇଁଙ୍କ ପକ୍ଷରୁ ଦାୟର ଜନସ୍ୱାର୍ଥ ମାମଲାରେ ଦର୍ଶାଯାଇଛି ଯେ ଭୁବନେଶ୍ୱର ତହସିଲ ଅନ୍ତର୍ଗତ କଳାରାହାଙ୍ଗ ମୌଜାରେ ପ୍ରାୟ ୫୦ ଏକର ସରକାରୀ ଜମି ଜବରଦଖଲ କରି କେତେକ ବ୍ୟକ୍ତି ଘର, ବିଭିନ୍ନ ଅନୁଷ୍ଠାନ, ପାର୍ଟି କାର୍ଯ୍ୟାଳୟ, କ୍ଲବ ନିର୍ମାଣ କରିଛନ୍ତି। ଗୋଚର ଓ ଜଙ୍ଗଲ କିସମ ଜମି ସହିତ ସର୍ବସାଧାରଣଙ୍କ ବ୍ୟବହାର ପାଇଁ ଯୋଗ୍ୟ ଜମିକୁ ଜବର ଦଖଲ କରାଯାଇଛି। ଏଥିସହିତ କେତେକ ବ୍ୟକ୍ତି କାଗଜପତ୍ର ଜାଲିଆତି କରି ସରକାରୀ ଜମି ନିଜ ନାଁରେ କରାଇଛନ୍ତି। ଜାଲ କାଗଜପତ୍ର ଜରିଆରେ ଏହି ଜମି ଜବରଦଖଲ ପରେ ବିକ୍ରି ମଧ୍ୟ କରାଯାଉଛି ବୋଲି ଆବେଦନକାରୀ ଦର୍ଶାଇଛନ୍ତି। ଏପରି ଘଟଣା ସଂପର୍କରେ ଆବେଦନକାରୀ ଜିଲାପାଳ ଓ ଅନ୍ୟ ଉଚ୍ଚ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଥିଲେ ମଧ୍ୟ କିଛି ଫଳ ମିଳି ନଥିଲା। ଏପରିସ୍ଥଳେ ଘଟଣାର ଉପଯୁକ୍ତ ତଦନ୍ତ ସହିତ ସରକାରୀ ଜମିରୁ ଜବରଦଖଲ ଉଚ୍ଛେଦ ପାଇଁ ପ୍ରାର୍ଥନା କରି ଏହି ଜନସ୍ୱାର୍ଥ ମାମଲା ରୁଜୁ ହୋଇଛି ବୋଲି ଆବେଦନରେ ଦର୍ଶାଯାଇଛି। ଆବେଦନକାରୀଙ୍କ ପକ୍ଷରୁ ଆଇନଜୀବୀ ଅନ୍ତର୍ଯ୍ୟାମୀ ସ୍ୱାଇଁ ଏହି ମାମଲା ରୁଜୁ କରିଛନ୍ତି। ଏହି ମାମଲାରେ ଆଇନ ବିଭାଗ ସଚିବ, ଖୋର୍ଦ୍ଧା ଜିଲ୍ଲାପାଳ, ଭୁବନେଶ୍ୱର ତହସିଲଦାର, ଉପଜିଲାପାଳ, କେନ୍ଦ୍ରାଞ୍ଚଳ ରାଜସ୍ୱ ଆୟୁକ୍ତ ଓ ରାଜସ୍ୱ ସଚିବଙ୍କୁ ପକ୍ଷଭୁକ୍ତ କରାଯାଇଛି।
Popular Categories
Previous article
Next article