ନୂଆଦିଲ୍ଲୀ : ଜିଓମୀ କମ୍ପାନୀ ସ୍ପେନରେ ତାର ନୂଆ ସ୍ମାର୍ଟଫୋନ ‘ଏମଆଇ ଏ-୩’ ଲଞ୍ଚ କଲାପରେ ବୁଧବାର ଭାରତୀୟ ବଜାର ପ୍ରବଶେ କରାଇଛି। ‘ଏମଆଇ ଏ-୩’ ଫୋନରେ ତିନୋଟି ରିୟର କ୍ୟାମେରା ଦିଆଯାଇଛି। ଯେଉଁଥିରୁ ଗୋଟିଏ କ୍ୟାମେରା ୪୮ମେଗାପିକ୍ସେଲ, ଦ୍ବିତୀୟଟି ୮ମେଗାପିକ୍ସେଲ ଏବଂ ତୃତୀୟଟି ୪ମେଗାପିକ୍ସେଲର ରହିଛି। ଏହାବ୍ୟତୀତ ଏହି ଫୋନରେ ଗ୍ଲାସି ଫିସ୍ ଏବଂ ୱାଟର ଡ୍ରପ ନଞ୍ଚ ଡ଼ିସପ୍ଲେ ରହିଛି। ତେବେ ଆସନ୍ତୁ ଏହି ଫୋନ ବାବଦରେ ବିସ୍ତାରରୂପେ ଜାଣିବା-
ଭାରତରେ ଏମଆଇ ଏ-୩ର ୪ଜିବି ରାମ ଓ ୬୪ଜିବି ଷ୍ଟୋରେଜର ମୂଲ୍ୟ ୧୨ହଜାର ୯୯୯ଟଙ୍କା। ଏହାର ୬ଜିବି ରାମ ଏବଂ ୧୨୮ଜିବି ଷ୍ଟୋରେଜର ମୂଲ୍ୟ ୧୫ହଜାର ୯୯୯ଟଙ୍କା। ଫୋନରେ ଡୁଆଲ ସିମ ସପୋର୍ଟ ସହିତ ଆଣ୍ଡ୍ରଏଡ ପାଇ ୯.୦ ରହିଛି। ଏହାସହିତ ଏଥିରେ ୬.୦୮ର ଏୁଡି ପ୍ଲସ ଏମୋଲେଡ୍ ଡ଼ିସପ୍ଲେ ମିଳିବ। ଏହାର ଡ଼ିସପ୍ଲେ ଉପରେ ୱାଟର ଡ୍ରପ ନଞ୍ଚ ଏବଂ ଗରିଲା ଗ୍ଲାସ୍-୫ ରହିଛି। ଏଥିରେ ଇନ୍ ଡ଼ିସପ୍ଲେ ଟିପଚିହ୍ନ ସେନସର ଏବଂ କ୍ବାଲାକମର ସ୍ନାପଡ଼୍ରାଗନ୍ ୬୬୫ ପ୍ରୋସେସର ରହିଛି। ସଂଯୋଗ ପାଇଁ ଫୋନରେ ୪ଜି ଭୋଲଟିଇ, ୱାଇ-ଫାଇ, ବ୍ଲୁଟୁଥ ଭି୫.୦, ଜିପିଏସ୍, ୟୁଏସବି ଟାଇପ୍ ସି ଚାର୍ଜିଙ୍ଗ ପୋର୍ଟ ଏବଂ ୪ହଜାର ୩୦ ଏମ୍ଏଚ୍ ବ୍ୟାଟେରୀ ଦିଆଯାଇଛି। ଫୋନ ସହି୍ତ ୧୮ୱାଟର ଫାଷ୍ଟ ଚାର୍ଜର ପାଇପାରିବେ।
ଏହି ଫୋନର ବିକ୍ରି ଅନଲାଇନ ଷ୍ଟୋର ଆମାଜନ ଇଣ୍ଡିଆ, ଏମଆଇ ସାଇଟ୍ ଏବଂ ଏମଆଇ ହୋମ ଷ୍ଟୋରରେ ଅଗଷ୍ଟ ୨୩ ଦିନ ୧୨ଟାରୁ ଉପଲବ୍ଧ ହେବ। ସେହିଭଳି ଖୁବଶୀଘ୍ର ଏହି ଫୋନକୁ ଅଫଲାଇନରେ ଉପଲବ୍ଧ କରାଯିବ ବୋଲି କମ୍ପାନୀ ତରଫରୁ କୁହାଯାଇଛି।
