ନୂଆଦିଲ୍ଲୀ: ଭାରତୀୟ ରେଳ ମନ୍ତ୍ରାଳୟ ବୁଧବାର ଏକ ବଡ ନିଷ୍ପତି ନେଇଛି। ଭାରତୀୟ ରେଳ ମନ୍ତ୍ରାଳୟ ଅଧୀନରେ ଥିବା ସମସ୍ତ ରେଳ ଡିଭିଜନକୁ ପ୍ଲାଷ୍ଟିକ ବ୍ୟବହାର ଉପରେ କଟକଣା ଜାରି ପାଇଁ ନିର୍ଦ୍ଦେଶ ଦିଆଯାଇଛି। ଅକ୍ଟୋବର ୨ ଗାନ୍ଧୀ ଜୟନ୍ତୀଠାରୁ ଟ୍ରେନ ମଧ୍ୟରେ ୫୦ ମାଇକ୍ରୋନରୁ କମ ମୋଟ ଥିବା ପ୍ଲାଷ୍ଟିକ ଏବଂ ସିଙ୍ଗଲ ୟୁଜ ପ୍ଲାଷ୍ଟିକ ସାମଗ୍ରୀର ବ୍ୟବହାର ଉପରେ କଟକଣା ଜାରି କରିଛନ୍ତି ଟ୍ରେନରେ ଯାତ୍ରୀ ବ୍ୟବହୃତ କରୁଥିବା ପାଣି ବୋଟଲ ଯାହାକି ଦ୍ୱିତୀୟ ଥର ବୃବହାର ଉପଯୋଗୀ ନୁହେଁ ସେଗୁଡିକୁ ରୋଷେଇ କର୍ମଚାରୀ (ପ୍ୟାଣ୍ଟ୍ରି ଷ୍ଟାପ୍) ସବୁ ବଗି ମଧ୍ୟରୁ ସଂଗ୍ରହ କରି ନଷ୍ଟ କରିଦେବା ପାଇଁ ନିର୍ଦ୍ଦେଶ ଦିଆଯାଇଛି। ଗାନ୍ଧିଜୀଙ୍କ ୧୫୦ ତମ ଜନ୍ମ ଶତ ବାର୍ଷିକରେ ଦେଶର ସ୍ୱଚ୍ଛତା ଉପରେ ଧ୍ୟାନ ଦେଇ ରେଳ ବିଭାଗ ଏହି ନିଷ୍ପତି ନେଇଥିବା ଜଣାପଡିଛି। ରେଳ ବିଭାଗର ଏହି ବଡ ନିଷ୍ପତି ପରିବେଶକୁ ସ୍ୱଚ୍ଛ ଓ ସୁନ୍ଦର ରଖିବାରେ ସହାୟକ ହେବା ସହ ଗାନ୍ଧିଜୀଙ୍କ ସ୍ୱଚ୍ଛ ଭାରତର ସ୍ୱପ୍ନରେ ଏକ ପାଦ ଆଗକୁ ବଢେଇ ପାରିବ।
Comments are closed.