ନୂଆଦିଲ୍ଲୀ : ଭାରତରେ ମଙ୍ଗଳବାର ଏଭଳି ଦୁଇଟି ସ୍ମାର୍ଟଫୋନ ଲଞ୍ଚ ହୋଇଛି ଯେଉଁଥିରେ ଚାରୋଟି କ୍ୟାମେରା ରହିବା ସହିତ ୫ହଜାର ଏମ୍ଏଚର ବ୍ୟାଟେରୀ ରହିଛି। ଯାହାର ମୂଲ୍ୟ ମାତ୍ର ୯ହଜାର ଟଙ୍କାରୁ ଆରମ୍ଭ ହୋଇଛି। ତେବେ ଆସନ୍ତୁ ଏହି ଫୋନ ବାବଦରେ ବିସ୍ତାରରରେ ଜାଣିବା-
ଓପୋର ସବ ବ୍ରାଣ୍ଡ ରିଅଲମି ତାର ଦୁଇଟି ସ୍ମାର୍ଟଫୋନ ରିଅଲମି-୫ ଏବଂ ରିଅଲମି ୫ପ୍ରୋର ବଜାର ପ୍ରବେଶ କରିଛି। ରିଅଲମି ଚାରୋଟି କ୍ୟାମେରା ସହ ମାତ୍ର ୧୦ହଜାର ଟଙ୍କା ମୂଲ୍ୟରେ ଭାରତରେ ପ୍ରଥମ ଥର ପାଇଁ ବିକ୍ରି ହେବ। ଏହି ଦୁଇଟି ଫୋନରେ କ୍ବାଲାକମର ସ୍ନାପଡ଼୍ରାଗନ୍ ୬୬୫ପ୍ରୋସେସର ମିଳିବ। ଏହି ଦୁଇଟି ସ୍କାର୍ଟଫୋନର ବିକ୍ରି ଅନଲାଇନ୍ ଷ୍ଟୋର ଫ୍ଲିପକାର୍ଟରୁ ହେବ।
ରିଅଲମି-୫ ୯ରୁ୧୨ ହଜାର ଟଙ୍କାରେ ଉପଲବ୍ଧ ରହିଛି। ୯ହଜାର ଟଙ୍କାରେ ୩ଜିବି ରାମ ଏବଂ ୩୨ଜିବି ଷ୍ଟୋରେଜ ମିଳିବ। ଏହାର ୪ଜିବି ରାମ ଏବଂ ୬୪ଜିବି ଷ୍ଟୋରେଜର ମୂଲ୍ୟ ୧୦ହଜାର ୯୯୯ଟଙ୍କା। ଏହାର ୬ଜିବି ରାମ ଏବଂ ୧୨୮ଜିବି ଷ୍ଟୋରେଜ ଫୋନର ମୂଲ୍ୟ ୧୧ହଜାର ୯୯୯ଟଙ୍କା। ଏହି ଫୋନର ପ୍ରଥମ ବିକ୍ରି ଅଗଷ୍ଟ ୨୭ ଦିନ ୧୨ଟାରୁ ଉପଲବ୍ଧ ରହିବ।
ରିଅଲମି-୫ପ୍ରୋର ୪ଜିବି ରାମ ଓ ୬୪ଜିବି ଷ୍ଟୋରେଜର ମୂଲ୍ୟ ୧୩ହଜାର ୯୯୯ଟଙ୍କା। ସେହିଭଳି ଏହାର ୬ଜିବି ରାମ ଏବଂ ୬୪ଜିବି ଷ୍ଟୋରେଜର ମୂଲ୍ୟ ୧୪ହଜାର ୯୯୯ଟଙ୍କା। ଏହାର ୮ଜିବି ରାମ ଏବଂ ୧୨୮ଜିବି ଷ୍ଟୋରେଜର ମୂଲ୍ୟ ୧୬ହଜାର ୯୯୯ଟଙ୍କା। ଏହି ତିନୋଟି ଫୋନର ବିକ୍ରି ସେପ୍ଟେମ୍ବର ୪ରୁ ଆରମ୍ଭ ହେବ।
