ତୁଷୁରା:ବଲାଙ୍ଗିର ଜିଲା ତୁଷୁରା ସହରରେ ବନ୍ୟା ଯୋଗୁଁ ବ୍ୟାପକ କ୍ଷୟ କ୍ଷତି ହୋଇଥିବା ବେଳେ ତୁଷରା ଜନ ସ୍ୱାସ୍ଥ୍ୟ ବିଭାଗ ପକ୍ଷରୁ ସହରକୁ ଗତ ୭ ଦିନ ହେଲାଣି ପାଇପ ଯୋଗେ ଜଳଯୋଗାଣ ସଂପୂର୍ଣ୍ଣ ବନ୍ଦ ହୋଇଯାଇଛି। ଲୋକେ ବିଶୁଦ୍ଧ ପାଣି ଟିକିକ ପାଇଁ ନାହିଁ ନଥିବା ଅସୁବିଧାର ସମ୍ମୁଖିନ ହେଉଥିବା ବେଳେ ଜନସ୍ୱାସ୍ଥ୍ୟ ବିଭାଗ ପକ୍ଷରୁ ସୋମବାର ପର୍ଯ୍ୟନ୍ତ ଚାରିଟି ଟ୍ୟାଙ୍କରରେ ଜଳଯୋଗାଣ କରାଯାଉଛି। ଯାହାକି ସମୁଦ୍ରକୁ ଶଙ୍ଖେ। ତୁଷୁରା ସୋନଗଡ଼ ନଦୀ ରୁ ପାଇପ ଯୋଗେ ତୁଷୁରା ସହରକୁ ପାଣି ଯୋଗାଣ ହୋଇଥାଏ। କିନ୍ତୁ ବନ୍ୟା ହେବାରୁ ପମ୍ପ ହାଉସ ଓ କୂଅରେ ପାଣି ମାଡ଼ି ଯିବା ସହ ୧୦୦ ମିଟର ଦୂର ଛୋଟ ପୋଲ ପାଖରେ ପ୍ରାୟ ୧୫ ମିଟର ଜଳ ଯୋଗାଣ ପାଇପ ବନ୍ୟାରେ ବହି ଯାଇଛି। ଏବଂ ପାଇପ ଥିବା ସ୍ଥାନରେ ୧୨ ଫୁଟ ଗଭୀର ଓ ୩୫ ଫୁଟ ଲମ୍ବର ଗର୍ତ ହୋଇଯାଇଛି। ଫଳରେ ସେହି ଗର୍ତରେ ପାଣି ଜମା ହୋଇ ରହିଥିବାରୁ ଉକ୍ତ ପାଣିକୁ ଡ଼୍ରେନ କରାଯାଇ ପାଇପ ଜଏଂଟ ହୋଇ ପାରୁନାହିଁ। ତେଣୁ ପାଣି ସୁଖିବା ର ବ୍ୟବସ୍ଥା କରଯାଉଛି ଯାହାକି ଖୁବ ଶୀଘ୍ର ଜଳ ଯୋଗାଣ ସ୍ୱାଭାବିକ ହେବ ବୋଲି ବିଭାଗୀୟ ଅଧିକାରୀ କହିଛନ୍ତି।।
Comments are closed.