ଧାମରା:ଧାମରା ନିକଟସ୍ଥ ନରସିଂହପ୍ରସାଦ ଗ୍ରାମରେ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ କ୍ରମେ ୫ ବର୍ଷ ତଳର ମୃତଦେହ ଖୋଳା ଯାଇ ଫୋରେନସିକ କେନ୍ଦ୍ରକୁ ପରୀକ୍ଷା ପାଇଁ ପଠାଯାଇଛି। ନରସିଂହପ୍ରସାଦ ଗ୍ରାମର ବୃନ୍ଦାବନ ମହାନ୍ତିଙ୍କ ପତ୍ନୀ ଶକୁନ୍ତଳା ୨୦୧୪ ମସିହାରେ ପ୍ରାଣତ୍ୟାଗ କରିଥିଲେ। ସେହି ସମୟରେ ତାଙ୍କର ମୃତ୍ୟୁକୁ ନେଇ ବହୁ କଳ୍ପନା ଜଳ୍ପନା ଚାଲିଥିଲା ଏବଂ ତାଙ୍କର ମୃତ୍ୟୁ ପରେ ତାଙ୍କର ସ୍ୱାମୀ ବୃନ୍ଦାବନ ମହାନ୍ତି ୨୦୧୬ ମସିହାରେ ରାଜ୍ୟ ଉଚ୍ଚନ୍ୟାୟାଳୟରେ ୧୪୮୩/୨୦୧୬ରେ ଏକ କେଶ ରୁଜୁ କରିବା ସହ ତାଙ୍କ ସ୍ତ୍ରୀଙ୍କ ମୃତଦେହକୁ ଫୋରେନସିକ ଟେଷ୍ଟ କରାଯିବା ପାଇଁ ଆବେଦନ କରିଥିଲେ। ପୁନଶ୍ଚ ଏହି ଘଟଣାକୁ ନେଇ ୨୦୧୮ ମସିହାରେ ବାଂଶଡା ଥାନାରେ ୧୭୧ ନଂ ରେ ଏକ ଏତଲା ଦାୟର କରି ତାଙ୍କ ବୋହୂ ବନୀଶ୍ରୀ ମହାନ୍ତି ବୃନ୍ଦାବନଙ୍କ ସ୍ତ୍ରୀ ଶକୁନ୍ତଳା ଙ୍କୁ ମାରିଦେଇଛନ୍ତି ବୋଲି ଅଭିଯୋଗ କରିଥିଲେ। ଉଚ୍ଚ ନ୍ୟାୟାଳୟ ତାଙ୍କ ଆବେଦନକୁ ବିଚାରକୁ ନେଇ ଶକୁନ୍ତଳାଙ୍କ ମୃତଦେହକୁ ଖୋଳିବା ପାଇଁ ନିର୍ଦେଶ ଦେଇଥିଲା। ଆଜି ଏହି ନିର୍ଦେଶରେ ମାଜିଷ୍ଟ୍ରେଟଙ୍କ ସମ୍ମୁଖରେ ଏହି ଶକୁନ୍ତଳାଙ୍କ ମୃତଦେହକୁ କୁ ଖୋଳା ଯାଇ ମୃତଦେହର ବିଭିନ୍ନ ଅସ୍ଥି କଙ୍କାଳ ଉଦ୍ଧାର କରାଯାଇ ସେ ସବୁକୁ ସିଲ କରାଯାଇଥିଲା। ଗ୍ରାମବାସୀ ଏବଂ ବାଂଶଡା ଥାନାଧିକାରୀଙ୍କ ଉପସ୍ଥିତିରେ ଏହି ସମସ୍ତ କାର୍ୟ୍ୟସମ୍ପର୍ଣ୍ଣ ହେବା ପରେ ତାହାକୁ କଟକ ଫୋରେନସିକ ପରୀକ୍ଷା ପାଇଁ ପଠାଯାଇଥିଲା।
Comments are closed.