ବିସ୍କୁଟ ପାଇଁ ଜାତୀୟ ପତାକାକୁ ଅସମ୍ମାନୀତ କରି ଯୁବକ ଗିରଫ

ବଡସାହି: ସ୍ୱାଧୀନତା ଦିବସରେ ଜାତୀୟ ପତାକାକୁ ଅସମ୍ମାନୀତ କରିବା ଅଭିଯୋଗରେ ଯୁବକ ଗିରଫ ହୋଇଥିବା ଜଣା ପଡିଛି । ବଡସାହି ଥାନା ଅନ୍ତର୍ଗତ ଖାନୁଆ ପଞ୍ଚାୟତ କାର୍ଯ୍ୟାଳୟରେ ସ୍ୱାଧୀନତା ଦିବସ ପାଳନ ହୋଇଥିଲା । ସ୍ୱାଧୀନତା ଦିବସ ପାଳନ ପରେ ସେଠାରେ ଉପସ୍ଥିତ ଥିବା ଲୋକମାନଙ୍କୁ ବିସ୍କୁଟ ବଣ୍ଟନ କରାଯାଇଥିଲା । କିନ୍ତୁ ସେଠାରେ ଥିବା ଖାନୁଆ ଗ୍ରାମର ଲାଲ ମୋହନ ସିଂହଙ୍କ ପୁଅ ଭୀମଙ୍କୁ ବିସ୍କୁଟ ମିଳି ନଥିଲା ।ଏଥିରେ ଉତ୍ତ୍ୟେକ୍ତ ହୋଇ ଭୀମ ଜାତୀୟ ପତାକା ଉଡାଯାଇଥିବା ଖୁଣ୍ଟକୁ ଗୋଇଁଠା ମାରିଥିଲା । ଯାହା ଫଳରେ ଜାତୀୟ ପତାକା ତଳକୁ ଖସି ପଡିଥିଲା ।ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଥିଲା । ପୁଲିସ ଘଟଣାସ୍ଥଳରେ ପହଞ୍ଚି ଭୀମଙ୍କୁ ଗିରଫ କରିଥିବା ଜଣାପଡିଛି ।