ମୋହନା : ଗଜପତି ଜିଲା ମୋହନା ଥାନା ପୁଲିସ ଶନିବାର ଏକ ବାଲେରୁ ଗାଡ଼ିରୁ ୫୯କେଜି ଗଞ୍ଜେଇ ଜବତ କରିବା ସହ ୩ଜଣଙ୍କୁ ଗିରଫ କରିଥିବା ଜଣାପଡିଛି। ସୂଚନା ମୁ୍ତାବକ, ରାଇସିଂ ଛକ ନିକଟରେ ବ୍ଳକିଙ୍ଗ କରାଯିବା ସମୟରେ ଏକ ବୋଲେରୋ ଗାଡି ନଂ( ଓଡି ୦୭ କ୍ୟୁ ୪୪୫୦) ଅଡବା ଅଞ୍ଚଳରୁ ଦ୍ରୁତ ବେଗରେ ଆସୁଥିବା ବେଳେ ମୋହନା ପୁଲିସ ଗାଡିକୁ ସନ୍ଦେହ ଭାବେ ଅଟକାଇ ଯାଞ୍ଚ କରି ସେଥିରେୁ ୩ଟି ଅଖା ବସ୍ତାରେ ୫୯ କେଜି ୫୦୦ ଗ୍ରାମ ଗଞ୍ଜେଇ ଜବତ କରିବାସହ ଘଟଣା ସ୍ଥଳରୁ ରା.ଉଦୟଗିରି ଥାନା ଅନ୍ତର୍ଗତ ଜାମଗୁଡା ଗ୍ରାମର ଅଶୋକ ମାଝୀ(୩୪), କନ୍ଧମାଳ ଥାନା ଅନ୍ତର୍ଗତ ରାଇକିଆ ଗ୍ରାମର ସନ୍ତୋଷ କୁମାର ବିଶ୍ୱାଳ(୩୧), ରାୟଗଡା ଜିଲା ପଦ୍ମପୁର ଥାନା ସୁନ୍ଦରିଗୁଡା ଗାଁର କବି ବିଡିକା (୨୫)କୁ ଗିରଫ କରିଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୨ ଲକ୍ଷ ଟଙ୍କା ହେବ ବୋଲି ସାମ୍ବାଦିକ ସମ୍ମିଳନୀରେ ରା.ଉଦୟଗିରି ଏସଡିପିଓ ଅଶୋକ କୁମାର ମହାନ୍ତି କହିଛନ୍ତି। ଆଗକୁ ଗଞ୍ଜେଇ ମାଫିଆଙ୍କୁ ସାବାଡ କରାଯିବା ସହ ମୋହନା ବ୍ଳକକୁ ଗଞ୍ଜେଇ ମୁକ୍ତ କରାଯିବ। ମୋହନା ଓ ଅଡବା ପୁଲିସ ଗଞ୍ଜେଇ ଧରିବାରେ ସକ୍ରିୟ ଭୂମିକା ଗ୍ରହଣ କରୁଥିବା ବେଳେ ରା.ଉଦୟଗିରି ଅବକାରୀ ବିଭାଗ ନିସ୍କ୍ରିୟ ସାଜିବା ପଛର କାରଣ କଣ ବୋଲି ବୁଦ୍ଧିଜିବୀ ମହଲରେ ଚର୍ଚ୍ଚା ହେଉଥିବା ଶୁଣିବାକୁ ମିଳୁଛି।
Comments are closed.