ଅହମଦାବାଦ: ତିନି ତଲାକ ଉଚ୍ଛେଦ ପୂର୍ବକ ମୁସଲମାନ ମହିଳାଙ୍କୁ ସୁରକ୍ଷା ଦେବା ଲାଗି ସରକାର ସଂସଦରେ ବିଧେୟକ ଗୃହୀତ କରାଇଥିବାବେଳେ ଏହି ତିନି ତଲାକକୁ ନେଇ ବୁଧବାର ଗୁଜରାଟର ଅହମଦାବାଦରେ ଜଣେ ମହିଳା ଆତ୍ମହତ୍ୟା ଉଦ୍ୟମ କରିଛନ୍ତି। ରିପୋର୍ଟ ଅନୁଯାୟୀ ମହିଳାଙ୍କୁ ତାଙ୍କ ସ୍ବାମୀ ତିନିଥର ତଲାକ କହି ଛାଡପତ୍ର ଦେଇଥିଲେ। ଏଥିରେ ବିଚଳିତ ହୋଇ ମହିଳା ଜଣଙ୍କ ଆତ୍ମହତ୍ୟା ଉଦ୍ୟମ କରିଥିଲେ। ମହିଳା ଜଣଙ୍କ ମୃତ୍ୟୁରୁ ବର୍ତ୍ତି ଯାଇଥିବାବେଳେ ଏବେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ମହିଳା ଜଣଙ୍କ କହିଛନ୍ତି ସ୍ବାମୀ ତାଙ୍କୁ ଟଙ୍କା ମାଗିଥିଲେ। ଟଙ୍କା ଦେବାରେ ପତ୍ନୀ ବିଫଳ ହେବାରୁ ପତି ନିଜ ଝିଅକୁ ଚଟାଣରେ ଫିଙ୍ଗି ଦେବା ସହ ତଲାକ ଦେଇଥିଲେ। ମହିଳାଙ୍କ ଅଭିଯୋଗ ଆଧାରରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି। ସଂସଦରେ ଗୃହୀତ ବିଧେୟକ ଅନୁଯାୟୀ ତଲାକ ମାଧ୍ୟମରେ ଛାଡପତ୍ର ଦେଲେ ସର୍ବନିମ୍ନ ୩ବର୍ଷ ଜେଲ୍ ଭୋଗିବାକୁ ପଡିବ।
Popular Categories
Previous article
Next article