ମୁମ୍ବଇ : ଗତ ୧୯ ତାରିଖରେ ମୁକ୍ତିଲାଭ କରିଥିବା ଡିଜନୀର ଆନିମେଟେଡ଼୍ ଚଳଚ୍ଚିତ୍ର ‘ଦି ଲାୟନ କିଙ୍ଗ୍’ ବକ୍ସ ଅଫିସରେ ଏଯାବତ୍ ନିଜ ପ୍ରଭାବ ବିସ୍ତାର କରି ରଖିଛି। ଟ୍ରେଡ଼ ଆନାଲିଷ୍ଟ ତରଣ ଆଦର୍ଶ ଟ୍ୱିଟ୍ କରି ଚଳଚ୍ଚିତ୍ରର ଆୟ ସମ୍ବନ୍ଧୀୟ ସୂଚନା ପ୍ରଦାନ କରିଛନ୍ତି। ଭାରତୀୟ ବଜାରରେ ମୁକ୍ତିଲାଭର ୯ ଦିନ ମଧ୍ୟରେ ଚଳଚ୍ଚିତ୍ର ୯୮.୪୮ କୋଟି ଟଙ୍କାର ବ୍ୟବସାୟ କରିଛି। ରବିବାର ଚଳଚ୍ଚିତ୍ର ଅତି ସହଜରେ ୧୦୦ କୋଟି ପାର୍ କରିବ ବୋଲି ତରଣ ମତପୋଷଣ କରିଛନ୍ତି।
ମୁକ୍ତିଲାଭର ପ୍ରଥମ ଦିନ ଶୁକ୍ରବାର ଚଳଚ୍ଚିତ୍ର ୧୧.୦୬ କୋଟି, ଶନିବାର ୧୯.୧୫ କୋଟି, ରବିବାର ୨୪.୫୪ କୋଟି, ସୋମବାର ୭.୯୦ କୋଟି, ମଙ୍ଗଳବାର ୭.୦୨ କୋଟି, ବୁଧବାର ୬.୨୫ କୋଟି ଓ ଗୁରୁବାର ୫.୬୫ କୋଟି ଟଙ୍କା ବ୍ୟବସାୟ କରିଥିଲା। ଚଳଚ୍ଚିତ୍ରର ଦ୍ୱିତୀୟ ସପ୍ତାହର ଆୟ ବିଷୟରେ କହିବାକୁ ଗଲେ, ଶୁକ୍ରବାର ୫.୩୫ କୋଟି ଟଙ୍କା ଆୟ କରିଥିବା ବେଳେ ଶନିବାର ୧୧.୫୬ କୋଟି ଟଙ୍କା ଆୟ କରିଛି। ଏହାସହିତ ଏପର୍ଯ୍ୟନ୍ତ ‘ଦି ଲାୟନ କିଙ୍ଗ୍’ ବକ୍ସ ଅଫିସରେ ନିଜର ଉତ୍କୃଷ୍ଟ ପ୍ରଦର୍ଶନ ଜାରି ରଖିଛି।
