ଝାରସୁଗୁଡା : ରାଜ୍ୟର ବିଭିନ୍ନ ସ୍ଥାନରୁ ଗାଡି ଡିକି ଭାଙ୍ଗି ଲୁଟ୍ କରୁଥିବା ଏକ ଲୁଟେରା ଗ୍ୟାଙ୍ଗକୁ ପୁଲିସ ଧରିବାରେ ସଫଳ ହୋଇଛି । ଏକ ଲୁଟ୍ ଉଦ୍ୟମ ବେଳେ ଝାରସୁଗୁଡା ପୁଲିସ ସେମାନଙ୍କୁ ଗିରଫ କରିଛି । ସେମାନଙ୍କ ନିକଟରୁ ନଗଦ ୯୦ ହଜାର ଟଙ୍କା, ୩ଟି ବାଇକ ଓ ୬ଟି ମୋବାଇଲ ପୁଲିସ ଜବତ କରିଛି ।
ସୂଚନାଯୋଗ୍ୟ, ଗଞ୍ଜାମ ଜିଲ୍ଲାର ଆଶିକା ଅଞ୍ଚଳର ମୂଳ ବାସିନ୍ଦା କେ.ଶ୍ରୀନିବାସ ଏବଂ ଅନ୍ୟ ୩ ଜଣ ମିଶି ଗତ ୬ ମାସରୁ ଉର୍ଦ୍ଧ୍ବ ହେବ ଗାଡି ଡିକି ଭାଙ୍ଗି ଟଙ୍କା ଲୁଟ୍ କରୁଥିଲେ। ଗତ ଜୁନ ମାସ ୧୧ ତାରିଖରେ ଝାରସୁଗୁଡା ଜିଲ୍ଲାର ଲଇକେରାରେ ଏକ ଲକ୍ଷ ଏବଂ ଜୁଲାଇ ମାସ ୩ ତାରିଖରେ ବଡମାଲ ଥାନା ଅନ୍ତର୍ଗତ ଶାପଡାରେ ଦୁଇ ଲକ୍ଷ ଟଙ୍କା ଡିକି ଭାଙ୍ଗି ଚୋରି କରିଥିଲା। ଝାରସୁଗୁଡା ପୁଲିସ ଏହାର ତଦନ୍ତ କରି କେ. ଶ୍ରୀନିବାସ ସହିତ ମୋଟ ୩ ଜଣଙ୍କୁ ଗିରଫ କରିଥିବା ବେଳେ ଅନ୍ୟ ଜଣେ ଫେରାର ରହିଛି। ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଏହି ଗ୍ୟାଙ୍ଗ୍ ଝାରସୁଗୁଡା ସମେତ ରାଉରକେଲା, ସୁନ୍ଦରଗଡ, ସମ୍ବଲପୁର, ବରଗଡ଼, ବଲାଙ୍ଗୀର, ସୋନପୁର, ନୂଆପଡା ଜିଲ୍ଲାରେ ଡିକି ଭାଙ୍ଗି ଟଙ୍କା ଲୁଟ୍ କରିଛନ୍ତି ।
Comments are closed.