ନୂଆଦିଲ୍ଲୀ : ପାରନୋ ମିତ୍ରଙ୍କ ସମେତ ୧୨ ବଙ୍ଗଳା ଚଳଚ୍ଚିତ୍ର ଓ ଟିଭି ତାରକା ଗୁରୁବାର ଆନୁଷ୍ଠାନିକ ଭାବେ ବିଜେପିରେ ଯୋଗଦେଇଛନ୍ତି। ଏନେଇ ନୂଆଦିଲ୍ଲୀଠାରେ ଆୟୋଜିତ ଉତ୍ସବରେ ପଶ୍ଚିମବଙ୍ଗ ବିଜେପି ଅଧ୍ୟକ୍ଷ ଦିଲ୍ଲୀପ ଘୋଷ, ମୁକୁଲ ରୟ, ବିଜେପିର ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ପ୍ରମୁଖ ଉପସ୍ଥିତଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱ ଓ ବିକାଶର କାର୍ଯ୍ୟରେ ଅନୁପ୍ରାଣିତ ହୋଇ ବଙ୍ଗଳାର ତାରକାମାନେ ବିଜେପିରେ ଯୋଗଦେଇଛନ୍ତି ବୋଲି ଦିଲ୍ଲୀପ ଘୋଷ ନିଜ ଉଦବୋଧନରେ କହିଛନ୍ତି। ବଙ୍ଗଳା ଚଳଚ୍ଚିତ୍ର ଏବଂ ଟିଭି ତାରକାଙ୍କ ମଧ୍ୟରେ କାଞ୍ଚନା ମୋଇତ୍ର, ରୁପଞ୍ଜନା ମିତ୍ର, ବିଶ୍ୱଜିତ ଗାଙ୍ଗୁଲି, ରିଶି କୌଶିକ, ଦେବ ରଂଜନ ନାଗ, ଅରିନ୍ଦମ ହଳଧର, ମୋମିତା ଗୁପ୍ତା, ଅନିନ୍ଦ୍ୟା ବାନାର୍ଜୀ, ସୌରଭ ଚକ୍ରବର୍ତ୍ତୀ, ରୁପା ଭଟ୍ଟାଚାର୍ଯ୍ୟ, ଅଞ୍ଜନା ବାସୁ, କୌଶିକ ଚକ୍ରବର୍ତ୍ତୀ ପ୍ରମୁଖ ବିଜେପିରେ ଯୋଗଦେଇଛନ୍ତି। ସେମାନଙ୍କୁ ଦିଲ୍ଲୀପ ଘୋଷ ଓ ଅନ୍ୟ ବିଜେପି ନେତାମାନେ ପୁଷ୍ପଗୁଚ୍ଛ ଦେଶ ସ୍ୱାଗତ କରିଥିଲେ। ବଙ୍ଗଳା ଚଳଚ୍ଚିତ୍ର ତାରକାଙ୍କ ଯୋଗଦାନ ବିଜେପିକୁ ମଜଭୁତ କରିବ ଓ ପ୍ରଚାର କାର୍ଯ୍ୟ ସହଜରେ ହୋଇପାରିବ ବୋଲି ଦଳୀୟ ନେତାମାନେ ଆଶା ବ୍ୟକ୍ତ କରିଛନ୍ତି।
Comments are closed.