ନୂଆଦିଲ୍ଲୀ : ଦିଲ୍ଳୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଗୁରୁବାର ଅନାଧିକୃତ କଲୋନିରେ ରହୁଥିବା ଲୋକଙ୍କୁ ଖୁସି ଖବର ଦେବା ପୂର୍ବକ ବଡ଼ ଘୋଷଣା କରିଛନ୍ତି। ଏଣିକି ଅନାଧିକୃତ କଲୋନିର ଘର ସବୁ ପଞ୍ଜିକୃତ ହେବ ବୋଲି କେଜରିୱାଲ ଘୋଷଣା କରିଛନ୍ତି।
ଅରବିନ୍ଦ କେଜରିୱାଲ ଗୁରୁବାର ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି କହିଛନ୍ତି ଯେ ଆଜି ପର୍ଯ୍ୟନ୍ତ ଅନାଧିକୃତ କଲୋନିରେ ରହୁଥିବା ଲୋକଙ୍କ ସହ ଠକାମି ହେଉଥିଲା। ତେଣୁ ଅନାଧିକୃତ କଲୋନିର ଗୃହ ସବୁ ପଞ୍ଜିକରଣ କରିବା ପାଇଁ ୨୦୧୫ରେ ଏକ ପ୍ରସ୍ତାବ ପାରିତ କରି କେନ୍ଦ୍ର ନିକଟକୁ ପଠାଇଥିଲୁ। କେନ୍ଦ୍ର ସରକାର ଏହି ପ୍ରସ୍ତାବକୁ ମଞ୍ଜୁରୀ ପ୍ରଦାନ କରିଛନ୍ତି। ଏହି ଅବସରରେ କେଜରିୱାଲ କେନ୍ଦ୍ର ସରକାରଙ୍କୁ ଧନ୍ୟବାଦ ଅର୍ପଣ କରିଥିଲେ।
ପଞ୍ଜିକରଣ ପ୍ରକ୍ରିୟା ଆରମ୍ଭ ହେଲେ, ଅନାଧିକୃତ କଲୋନିରେ ରହୁଥିବା ଲୋକେ ଘରର ମାଲିକାନସତ୍ୱ ପାଇବେ। ଏବେ ଦିଲ୍ଲୀରେ ୧,୭୯୭ଟି ଅନାଧିକୃତ କଲୋନି ରହିଛି। କେନ୍ଦ୍ର ସରକାରଙ୍କ ଅନୁମତି କ୍ରମେ ଦିଲ୍ଲୀ ସରକାର ଏହି ଅନାଧିକୃତ କଲୋନି ଗୃହଗୁଡ଼ିକର ପଞ୍ଜିକରଣ ପ୍ରକ୍ରିୟା ଆରମ୍ଭ କରିବେ।
Comments are closed.