କଣ୍ଟାବାଞ୍ଜି : କଣ୍ଟାବାଞ୍ଜି ତୁରେକେଲା ରାସ୍ତା ଖୁଟୁଲୁମୁଣ୍ଡା ଛକ କର୍ଲାଫାଟକ ନିକଟରେ ସୋମବାର ଜଣଙ୍କର ମୃତ୍ୟୁ ହୋଇଥିଲାବେଳେ ଜଣେ ଆହତ ହୋଇଥିବା ଜଣାପଡ଼ିଛି। ଢୋଲମାନ୍ଦଲ ପଞ୍ଚାୟତର ଗଭରା ଗ୍ରାମର ଚନ୍ଦ୍ର ଭୋଇ(୨୫) ଓ ସାଙ୍ଗରେ ଥିବା ଉଦୟା ମାଝୀ(୨୪) ବାଇକରେ ନିଜ ଘରକୁ ଫେରୁଥିବା ବେଳେ ହଠାତ୍ ଭାରସାମ୍ୟ ହରାଇ ରାସ୍ତା କଡ ଗଛରେ ବାଇକ ପିଟି ହୋଇଯାଇଥିଲା। ଫଳରେ ବାଇକ ଚାଳକ ଚନ୍ଦ୍ର ଭୋଇର ମୁଣ୍ଡରେ ଜୋରରେ ଆଘାତ ଲାଗିବାରୁ ରକ୍ତସ୍ରାବ ହୋଇ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିବା ବେଳେ ଉଦୟା ମାଝୀ ଗୁରୁତର ଆଘାତ ହୋଇ ତଳେ ପଡିଯାଇଥିଲେ। ସଙ୍ଗେ ସଙ୍ଗେ ବାଟରେ ଆସୁଥିବା ତେନ୍ତୁଲିଖୁଣ୍ଟି (ଝରଣୀ) ଗ୍ରାମର ସ୍ୱେଚ୍ଛାସେବୀ ଯୁବକ ସୟଦ ଅବଦୁଲ କାଦର (କୁନା) ତୁରେକେଲା ପୁଲିସକୁ ଖବର ଦେଇ ଉଭୟଙ୍କୁ କଣ୍ଟାବାଞ୍ଜି ଡାକ୍ତରଖାନାକୁ ଆଣିଥିଲେ। ଆହତ ମାଝୀଙ୍କ ପ୍ରାଥମିକ ଚିକିତ୍ସା ପରେ ସେଠାରୁ ସେ ଚାଲିଯାଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚିô ବାଇକକୁ ଜବତ କରିବା ସହ ଏକ ଦୁର୍ଘଟଣା ମାମଲା ରୁଜୁ କରି ତଦନ୍ତ ଚଳାଇବା ସହ ମୃତକର ମୃତଦେହ ବ୍ୟବଚ୍ଛେଦ କରାଇଥିବା ପୁଲିସ ସୂତ୍ରରୁ ପ୍ରକାଶ।
Comments are closed.