ନୀଳଗିରି : ନୀଳଗିରି ଜେଲରେ ଜଣେ ବିଚାରଧୀନ କଏଦୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତ କଏଦୀ ହେଲେ ପାଗୁଲୁ ଖଣ୍ଡେଇ । ସୂଚନାଯୋଗ୍ୟ, ବାଲେଶ୍ବର ଜିଲା ନୀଳଗିରି ଥାନା ସଜନାଗଡ଼ ନିକଟସ୍ଥ ନୂଆସାହି ଗାଁର ହାଡ଼ିବନ୍ଧୁ ଖଣ୍ଡେଇ ଙ୍କ ପୁଅ ପାଗୁଲୁ (୨୫)କୁ ଚୋରା ମଦ କାରବାର ଅଭିଯୋଗରେ ଗତ ୮ତାରିଖରେ ଅବକାରୀ ବିଭାଗ ଗିରଫ କରିଥିଲା। ତାଙ୍କ ଜାମିନ ଆବେଦନ ନାମଞ୍ଜୁର ହେବାରୁ ତାଙ୍କୁ ନୀଳଗିରି ଜେଲକୁ ପଠା ଯାଇଥିଲା। କିନ୍ତୁ ବୁଧବାର ସକାଳେ ସମ୍ପୃକ୍ତ ବନ୍ଦୀଙ୍କ ବାତ ରୋଗ ବାହାରି ବାରୁ ତାଙ୍କୁ ମେଡିକାଲ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଜେଲ ଭିତରେ ଚିକିତ୍ସା ଅବହେଳା ଯୋଗୁଁ ମୃତ୍ୟୁ ହୋଇଥିବା ଅଭିଯୋଗ ଆଣିଛନ୍ତି। ତେବେ ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣା ପଡ଼ିବ ବୋଲି ପୁଲିସ କହିଛି । ଏହାକୁ ନେଇ ଉତ୍ତେଜନା ଲାଗି ରହିଛି ।
Comments are closed.