‘ଉତ୍ତରାଧିକାରୀ ବାଛିବା ପାଇଁ କମିଟି ଗଢ଼ନ୍ତୁ ରାହୁଲ’

ନୂୂଆଦିଲ୍ଲୀ : କଂଗ୍ରେସ ସଭାପତି ଭାବେ ରାହୁଲ ଗାନ୍ଧୀଙ୍କ ଉତ୍ତରାଧିକାରୀ ମନୋନୟନ ପ୍ରକ୍ରିୟା ଉପରେ ପ୍ରଶ୍ନ ଉଠାଇଛନ୍ତି ଦଳର ବରିଷ୍ଠ ନେତା ତଥା ପୂର୍ବତନ ସାଧାରଣ ସମ୍ପାଦକ ଜନାର୍ଦନ ଦ୍ବିବେଦୀ। ଏଥିସହିତ ରାହୁଲ ନିଜେ ସଭାପତିଙ୍କ ନାମ ପ୍ରସ୍ତାବ କରିବା ସହ ସେ ଏଥିପାଇଁ ଏକ ନିର୍ବିବାଦୀୟ କମିଟି ଗଠନ କରିବା ଉଚିତ ବୋଲି ଦ୍ବିବେଦୀ ମତ ଦେଇଛନ୍ତି। ଏହି କମିଟି ସଭାପତି ପଦ ପାଇଁ ବିଭିନ୍ନ ନାମ ଉପରେ ବିଚାରବିମର୍ଶ କରି ନିଷ୍ପତ୍ତି ଜଣାଇବା ଉଚିତ ବୋଲି ସେ କହିଛନ୍ତି। ଜନାର୍ଦନ ରାହୁଲଙ୍କ ଇସ୍ତଫାକୁ ସ୍ବାଗତ କରିଛନ୍ତି। ଦଳର ବରିଷ୍ଠ ନେତାମାନେ ତାଙ୍କ ପଥ ଅନୁସରଣ କରିବା ପାଇଁ ସେ ପରାମର୍ଶ ଦେଇଛନ୍ତି।