ପୁରୀ: ପୁରୀ-କୋଣାର୍କ ମେରାଇନ ଡ୍ରାଇଭ ରୋଡ଼ର ଲିଆଖିଆ ବ୍ରିଜ ନିକଟରେ ମଙ୍ଗଳବାର ରାତିରେ ଏକ ମର୍ମନ୍ତୁଦ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି ଓ ଜଣେ ମହିଳା ଗୁରୁତର ହୋଇଛନ୍ତି । ମହିଳାଙ୍କୁ ପ୍ରଥମେ ଜିଲା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ ତାଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ମୃତ ଯୁବକଙ୍କ ନାମ ଉମାଶଙ୍କର ରାୟ (୨୮), ତାଙ୍କ ଘର ପୁରୀର ତାଳମାଳି ସାହିରେ ଓ ସେ ପୁରୀ ଡିଆରଡିଏରେ କାର୍ଯ୍ୟ କରୁଥିଲେ ବୋଲି ଜାଣିବାକୁ ମିଳିଛି ।
ସୂଚନା ଅନୁସାରେ ମହିଳା ଓ ଯୁବକ ଏକ ବାଇକ୍ ଯୋଗେ ପୁରୀ ଅଭିମୁଖେ ଯାଉଥିଲେ। ବିପରୀତ ଦିଗରୁ ଆସୁଥିବା ଏକ ବୋଲେରୋ ତାଙ୍କ ବାଇକକୁ ମୁହଁମୁହିଁ ଧକ୍କା ଦେଇଥିଲା । ଘଟଣାସ୍ଥଳରେ ଯୁବକଙ୍କ ମୃତ୍ୟୁ ଘଟିଥିଲାବେଳେ ମହିଳା ଜଣକ ଗୁରୁତର ଅଛନ୍ତି ।
Comments are closed.