ମାଞ୍ଚେଷ୍ଟର : ଅଷ୍ଟ୍ରେଲିଆର ମଧ୍ୟକ୍ରମ ବ୍ୟାଟ୍ସମ୍ୟାନ୍ ଉସ୍ମାନ୍ ଖାୱାଜା ଆହତ ହୋଇ ଚଳିତ ବିଶ୍ବକପ୍ରୁ ବାଦ୍ ପଡ଼ିଛନ୍ତି। ତାଙ୍କ ସ୍ଥାନରେ ୱିକେଟ ରକ୍ଷକ ମାଥ୍ୟୁ ୱେଡ୍ ବଦଳ ଖେଳାଳି ଭାବେ ସାମିଲ ହୋଇଛନ୍ତି। ଦକ୍ଷିଣ ଆଫ୍ରିକା ବିପକ୍ଷ ଅଷ୍ଟ୍ରେଲିଆର ଅନ୍ତିମ ବିଶ୍ବକପ୍ ମ୍ୟାଚ୍ରେ ଖାୱଜା ଆହତହୋଇ ରିଟାୟର୍ଡ ହୋଇଥିଲେ। ପରେ ସେ ଆସି ୧୮ ରନ୍ କରିଥିଲେ। ଅଷ୍ଟ୍ରେଲିଆ ‘ଏ’ ପାଇଁ ଖେଳି ଖାୱାଜା ଭଲ ପ୍ରଦର୍ଶନ କରିଥିବାରୁ ତାଙ୍କୁ ବିଶ୍ବକପ୍ ଦଳରେ ସାମିଲ କରା ଯାଇଥିଲା। ଗୁରୁବାର ପାରମ୍ପରିକ ପ୍ରତିଦ୍ବନ୍ଦ୍ବୀ ଇଂଲଣ୍ଡ ବିପକ୍ଷରେ ଅଷ୍ଟ୍ରେଲିଆ ସେମିଫାଇନାଲ ଖେଳିବାକୁ ଯାଉଥିବା ବେଳେ ଖାୱାଜାଙ୍କ ଅନୁପସ୍ଥିତି ଦଳ ପାଇଁ ଏକ ଧକ୍କା। ଖାୱାଜା ୩ନଂରେ ଖେଳି ଭଲ ପ୍ରଦର୍ଶନ କରିଥିଲେ। ଏଣେ ଅଷ୍ଟ୍ରେଲିଆର ଅଲ୍ରାଉଣ୍ଡର ମାର୍କସ େଷ୍ଟାଇନିସ୍ ମଧ୍ୟ ଆହତ ହୋଇଛନ୍ତି। ସେ ଦଳେର ରହିଥିଲେ ହେଁ ମିଚେଲ ମାର୍ଶଙ୍କୁ ଅତିରିକ୍ତ ଖେଳାଳି ଭାବେ ଇଂଲଣ୍ଡ ଡକାଯାଇଛି। ପୂର୍ବରୁ ମିଚେଲ ମାର୍ଶଙ୍କ ବଡ଼ ଭାଇ ସନ୍ ମାର୍ଶଙ୍କ ହାତ ଭାଙ୍ଗି ଯାଇଥିବାରୁ ତାଙ୍କ ସ୍ଥାନରେ ପିଟର ହ୍ୟାଣ୍ଡ୍ସକମ୍ବ୍ ଅଷ୍ଟ୍ରେଲିଆ ଦଳରେ ସାମିଲ ହୋଇଛନ୍ତି। ଅନୁମାନ କରାଯାଉଛି ଯେ ଇଂଲଣ୍ଡ ବିପକ୍ଷ ସେମିଫାଇନାଲରେ ହ୍ୟାଣ୍ଡ୍ସକମ୍ବ୍ ଖେଳିପାରନ୍ତି।
Comments are closed.