ଲକ୍ଷ୍ନୌ : ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ଅନୁସାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୁକ୍ରବାର ଅଯୋଧ୍ୟାର ଗବେଷଣା କେନ୍ଦ୍ରରେ ପ୍ରଭୁ ଶ୍ରୀରାମଙ୍କ ପ୍ରତିମାର ଅନାବଣ କରିଛନ୍ତି। ଏହାସହ ଯୋଗୀ ଆଦିତ୍ୟନାଥ ଶ୍ରୀରାମ ଜନ୍ମଭୂମି ନ୍ୟାସର ଅଧ୍ୟକ୍ଷ ଏବଂ ମଣିରାମ ଦାସ ଛାୱନିର ମହନ୍ତ ନୃତ୍ୟ ଗୋପାଳ ଦାସଙ୍କ ଜନ୍ମୋତ୍ସବ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଏହାପରେ ସେ ଅଯୋଧ୍ୟା ବିକାଶ ସମ୍ପର୍କିତ ସମସ୍ତ ଯୋଜନାର ସମୀକ୍ଷା କରିବେ। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସ୍ୱାଗତ ପାଇଁ ଅଯୋଧ୍ୟାରେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଏପଟେ ରାମନଗରିରେ ପ୍ରସ୍ତାବିତ ବିଶ୍ୱର ସବୁଠୁ ଉଚ୍ଚ ୨୨୧ ମିଟରର ଶ୍ରୀରାମ ମୂର୍ତ୍ତି ସ୍ଥାପନ କରିବା ପାଇଁ ପର୍ଯ୍ୟଟନ ବିଭାଗ ପକ୍ଷରୁ ଜମି ଅଧିଗ୍ରହଣ ନୋଟିସ୍ ଜାରି କରାଯାଇଛି। ଏହି ମୂର୍ତ୍ତି ସ୍ଥାପନ ପାଇଁ ସରାୟୁ ନଦୀ କୂଳରେ ଲୋକଙ୍କ ୨୮.୨୮୬୪ ହେକ୍ଟର ଜମି ଅଧିଗ୍ରହଣ କରାଯିବ। ଭଗବାନ ଶ୍ରୀରାମଙ୍କ ମୂର୍ତ୍ତି ପାଇଁ ଯୋଗୀ ସରକାର ୨୦୦ କୋଟି ଟଙ୍କା ବଜେଟକୁ ମଞ୍ଜରୀ ଦେଇଛି। ପ୍ରକାଶ ଯେ ବିଶ୍ୱର ସବୁଠୁ ବଡ଼ ମୂର୍ତ୍ତି ଷ୍ଟାଚୁ ଅଫ ୟୁନିଟର ଉଚ୍ଚତା ହେଉଛି ୧୮୨ ମିଟର।
ଅଯୋଧ୍ୟାରେ ପଭୁ ଶ୍ରୀରାମଙ୍କ ପ୍ରତିମାର ଅନାବରଣ କଲେ ଯୋଗୀ ଆଦିତ୍ୟନାଥ
Popular Categories
Previous article
Next article