ଧବଳ ରଙ୍ଗକୁ ଶାନ୍ତିର ପ୍ରତୀକ ବୋଲି କୁହାଯାଇଥାଏ। ଏହି ରଙ୍ଗର ପ୍ରୟୋଗ ଫଳରେ ବ୍ୟକ୍ତିଙ୍କର ସ୍ୱାସ୍ଥ୍ୟ ଉପରେ ମଧ୍ୟ ଉତ୍ତମ ପ୍ରଭାବ ପଡ଼ିଥାଏ। ଜାଣନ୍ତୁ ରାଶି ଅନୁଯାୟୀ, ଧଳା ରଙ୍ଗର କ’ଣ ପ୍ରଭାବ ରହିଛି ….
ମେଷ ରାଶି – ମେଷ ରାଶିର ବ୍ୟକ୍ତିଙ୍କ ପାଇଁ ଧଳା ରଙ୍ଗ ଆଶୀର୍ବାଦ ଭଳି କାର୍ଯ୍ୟ କରେ। ଜୀବନରେ କୌଣସି ପ୍ରକାରର ଅସୁବିଧା ଦେଖାଦେଲେ ଏହି ରାଶିର ବ୍ୟକ୍ତିମାନେ ଅଧିକ ଧଳାରଙ୍ଗର ପ୍ରୟୋଗ କରିବା ଉଚିତ।
ବୃଷ ରାଶି – ଏହି ରାଶିର ବ୍ୟକ୍ତି ଧଳା ରଙ୍ଗ ପରିଧାନ କଲେ ସାମାନ୍ୟ ଥଣ୍ଡା ଜନିତ ସମସ୍ୟା ସୃଷ୍ଟି ହୋଇଥାଏ। ମାତ୍ର କେତେକ ସମୟରେ ଏହି ରଙ୍ଗ ପରିଧାନ କରିପାରିବେ।
ମିଥୁନ ରାଶି – ଏହି ରାଶିର ବ୍ୟକ୍ତିମାନେ ଧଳା ରଙ୍ଗ ପରିଧାନ କରିବା ଦ୍ୱାରା ଏକାଗ୍ରତା ବୃଦ୍ଧି ପାଇଥାଏ। ଆର୍ଥିକ କ୍ଷେତ୍ରରେ ମଧ୍ୟ ଉନ୍ନତି ହୋଇଥାଏ।
କର୍କଟ ରାଶି – ଏହି ରାଶିର ବ୍ୟକ୍ତିମାନେ ଧଳା ରଙ୍ଗ ପରିଧାନ କରିବା ଦ୍ୱାରା ମନ ଭଲ ରହିଥାଏ। ନିୟମିତ ଧଳା ରଙ୍ଗ ପିନ୍ଧିବା ଦ୍ୱାରା ଉତ୍ତମ ସ୍ୱାସ୍ଥ୍ୟ ସହ କର୍ମକ୍ଷେତ୍ରରେ ମଧ୍ୟ ଉନ୍ନତି ହୋଇଥାଏ।
ସିଂହ ରାଶି – ଏହି ରାଶିର ବ୍ୟକ୍ତିମାନଙ୍କ ପାଇଁ ଧଳା ରଙ୍ଗ ମଧ୍ୟମ ଧରଣର ଫଳ ଦେଇଥାଏ। କର୍ମକ୍ଷେତ୍ର ଓ ଯାତ୍ରା କରିବା ସମୟରେ ଏହି ରଙ୍ଗ ପରିଧାନ କରିବା ଦ୍ୱାରା ଉତ୍ତମ ଫଳ ମିଳିଥାଏ। ଧାର୍ମିିକ କାର୍ଯ୍ୟରେ ମଧ୍ୟ ଏହି ରଙ୍ଗର ପୋଷାକ ପିନ୍ଧିବା ଅତ୍ୟନ୍ତ ଶୁଭଫଳ ଦେଇଥାଏ।
କନ୍ୟା ରାଶି – ଏହି ରାଶିର ବ୍ୟକ୍ତିମାନଙ୍କ ପାଇଁ ଧଳା ରଙ୍ଗ ମଧ୍ୟମ ଧରଣର ଫଳ ଦେଇଥାଏ। ଅଧିକ ଧଳା ରଙ୍ଗର ବ୍ୟବହାର ଏମାନଙ୍କୁ ଅଧିକ ଅଳସୁଆ କରି ଦେଇଥାଏ।
ତୁଳା ରାଶି – ଏହି ରାଶିର ବ୍ୟକ୍ତି ମାନେ ଧଳାର ରଙ୍ଗର ପ୍ରୟୋଗ କରିବା ଫଳରେ କାର୍ଯ୍ୟରେ ସଫଳତା, ଉତ୍ତମ ସ୍ୱାସ୍ଥ୍ୟ ପ୍ରାପ୍ତି ହୋଇଥାଏ ଓ ଶୁଭଫଳ ମଧ୍ୟ ପ୍ରଦାନ କରିଥାଏ।
ବିଛା ରାଶି – ଏହି ରାଶିର ବ୍ୟକ୍ତି ଧଳା ରଙ୍ଗର ଅଧିକ ପ୍ରୟୋଗ କରିବା ଫଳରେ ସୌଭାଗ୍ୟ ପ୍ରାପ୍ତି ହୋଇଥାଏ। ଜୀବନରେ ସୁଖ ଆଣିବା ସହ ସମସ୍ତ ସମସ୍ୟା ଦୂର ହୋଇଥାଏ।
ଧନୁ ରାଶି – ଏହି ରାଶିର ବ୍ୟକ୍ତି ମାନେ ଧଳା ରଙ୍ଗର ପ୍ରୟୋଗ କରିବା ଫଳରେ ବୈବାହିକ ଜୀବନ ସୁଖମୟ ହୋଇଥାଏ। ଦୁର୍ଭାଗ୍ୟ ମଧ୍ୟ ଦୂର ହୋଇଥାଏ ଓ ଦୁର୍ଘଟଣାରୁ ମଧ୍ୟ ରକ୍ଷା ମିଳିଥାଏ।
ମକର ରାଶି – ଏହି ରାଶିର ବ୍ୟକ୍ତିମାନଙ୍କ ପାଇଁ ଧଳା ରଙ୍ଗ ମଧ୍ୟମ ଧରଣର ଫଳ ଦେଇଥାଏ। ବିଶେଷ କରି କର୍ମକ୍ଷେତ୍ରରେ ଧଳା ରଙ୍ଗ ଏମାନଙ୍କ ପାଇଁ ଶୁଭଫଳ ଦେଇଥାଏ।
କୁମ୍ଭ ରାଶି – ଏହି ରାଶିର ବ୍ୟକ୍ତି ଧଳା ରଙ୍ଗ ପରିଧାନ କରିବା ଦ୍ୱାରା ଏମାନଙ୍କୁ ଭାଗ୍ୟ ସର୍ବଦା ଭଲ ଫଳ ଦେଇଥାଏ। ମନ ମଧ୍ୟ ଭଲ ରହିଥାଏ।
ମୀନ ରାଶି – ଏହି ରାଶିର ବ୍ୟକ୍ତିଙ୍କ ପାଇଁ ଧଳା ରଙ୍ଗ ଖୁବ ଉତ୍ତମ ଅଟେ। ନିୟମିତ ଧଳା ରଙ୍ଗର ପ୍ରୟୋଗ ଫଳରେ ଏମାନଙ୍କ ଜୀବନରେ ଥିବା ସମସ୍ୟା ଦୂର ହୋଇଥାଏ।
Comments are closed.