କୋଟଗଡ : କନ୍ଧମାଳ ଜିଲା କୋଟଗଡ ମଦାଙ୍ଗୀ ନିକଟରେ ଶନିବାର ଏକ ମର୍ମନ୍ତୁଦ ମଟର ସାଇକେଲ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଗୁରୁତର ହୋଇଥିବା ଜଣାପଡ଼ିଛି। ସୂଚନା ମୁତାବକ, ମଟର ସାଇକେଲ( ନଂ ଓଡି ୧୮ ଡି ୧୨୩୮)ରେ କୋଟଗଡରୁ ବଜାର ସାରି ଶ୍ୱଶୁର ନିର୍ପୁ ମୁଠାମାଝୀ(୪୫)ଙ୍କୁ ବସାଇ ଜ୍ୱାଇଁ ଦାଉଦ ମୁଠାମାଝୀ ନିଜ ଗାଁ ସ୍ଲିନ୍ଦୁପଦର ଅଭିମୁଖେ ମଟର ସାଇକେଲରେ ଫେରିବା ସମୟରେ ମଦାଙ୍ଗୀ ନିକଟରେ ଏକ ଡ୍ରେନରେ ଜୋରରେ ପିଟି ହୋଇଥିଲେ। ଫଳରେ ଖବରପାଇ କୋଟଗଡ ପୁଲିସ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଗୁରୁତର ଅବସ୍ଥାରେ ଆଣି କୋଟଗଡ଼ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ପଠାଇଥିଲେ। ଚିକିତ୍ସା ବେଳେ ନିର୍ପୁ ମୁଠାମାଝୀଙ୍କର ମୃତ୍ୟୁ ହୋଇଥିଲା ଏବଂ ଅନ୍ୟ ଜଣକ ଗୁରୁତର ଥିବାରୁ ତାଙ୍କୁ ବାଲିଗୁଡା ଉପଖଣ୍ଡ ଦାକ୍ତରଖାନାକୁ ପଠାଇ ଦିଆଯାଇଛି। ଏହାପରେ କୋଟଗଡ ପୁଲିସ କେସ୍ ନଂ-୩୧ ଦ୦୧୯ , ଧାରା ୨୭୯ ,୨୩୭,୩୩୮ ,୩୦୪ ଏଆଇପିସି.ରେ ଏକ ମାମଲା ରୁଜୁ କରି ମୃତକଙ୍କ ମୃତଦେହ ବ୍ୟବଛେଦ ପାଇଁ ତୁମୁଡିବନ୍ଧକୁ ପଠାଇବା ସହ ଦୁର୍ଘଟଣାଗ୍ରସ୍ଥ ମଟରସାଇକେଲକୁ ଜବତ କରିଛି ।
Popular Categories
Previous article
Next article