ବାଲିଚନ୍ଦ୍ରପୁର : ଯାଜପୁର ଜିଲା ବଡଚଣା ବ୍ଲକ୍ ବିକ୍ରମତିରଣ ପଞ୍ଚାୟତ ଅନ୍ତର୍ଗତ ଗୋବଣ୍ଡିଆ ଗ୍ରାମରେ ଏକ ପାତିମାଙ୍କଡ କାମୁଡିବା ଯୋଗୁଁ ଦୁଇ ଜଣ ଗୁରୁତର ହେବା ସହ ଚାରି ଜଣ ଆହତ ହୋଇଛନ୍ତି। ସୂଚନା ମୁତାବକ, ଏହି ଗ୍ରାମର ପଞ୍ଚୁ ସାହୁ(୭୦) ନିଜ ଘରପାଖ ଗଛରେ ବସିଥିବା ଏକ ପାତି ମାଙ୍କଡକୁ ଘଉଡାଇବାକୁ ଉଦ୍ୟମ କରୁଥିବା ସମୟରେ ପାତି ମାଙ୍କଡଟି ଆସି ପଞ୍ଚୁଙ୍କ ଦେହର ବିଭିନ୍ନ ସ୍ଥାନରେ କାମୁଡି ଦେଇଥିଲା ଫଳରେ ସେ ଗୁରୁତର ହୋଇପଡିବା ସହ କଟକ ଯାଇ ଚିକିତ୍ସିତ ହୋଇଥିଲେ। ସେହିପରି ପାତି ମାଙ୍କଡଟି ଗ୍ରାମର ସନ୍ତୋଷ ପ୍ରଧାନ(୨୪)ଙ୍କୁ କାମୁଡି ଗୁରୁତର କରିପକାଇଥିଲା। ସନ୍ତୋଷ ଗୁରୁତର ଅବସ୍ଥାରେ ବଡଚଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିଲେ। ପରେ ମାଙ୍କଡଟି ଧର୍ମରାଜ ବାରିକ(୨୦), ଗୋବିନ୍ଦ ସାହୁ(୫୫), ବିକ୍ରମ ସାହୁ(୨୫), ଶାନ୍ତିଲତା ସାହୁ(୫୦)ଙ୍କୁ କାମୁଡିବା ଫଳରେ ସେମାନେ ସାମାନ୍ୟ ଆହତ ହୋଇଛନ୍ତି। ମାଙ୍କଡର ଏହି ଉପଦ୍ରବ ଯୋଗୁଁ ଗ୍ରାମବାସୀ ମାନେ ଅତିଷ୍ଟ ହୋଇ ମାଙ୍କଡକୁ ଘଉଡାଉଥିବା ସୂଚନା ମିଳିଛି।
Comments are closed.