ଲକ୍ଷ୍ନୌ : ଉତ୍ତରପ୍ରଦେଶର ଯୋଗୀ ଆଦିତ୍ୟନାଥଙ୍କ ମନ୍ତ୍ରିମଣ୍ଡଳରେ କ୍ୟାବିନେଟ ପାହ୍ୟା ମନ୍ତ୍ରୀ ଥିବା ସ୍ୱାମୀ ପ୍ରସାଦ ମୌର୍ଯ୍ୟ ମାୟାବତୀଙ୍କର ଭୂୟସୀ ପ୍ରଶଂସା ରିଛନ୍ତି। ତାଙ୍କ ଶାସନ ଅଧିକ ଦକ୍ଷ ଥିଲା ବୋଲି ସେ କହିଛନ୍ତି। ଉନ୍ନାଓ ମାମଲା ପରିଚାଳନାରେ ଆଦିତ୍ୟନାଥ ସରକାରଙ୍କ ବିଫଳତା ପ୍ରତି ସେ ଅଙ୍ଗୁଳି ନିର୍ଦେଶ କରିବା ପୂର୍ବକ ଏଭଳି କହିଛନ୍ତି। ପୁଲିସ ବିଧାୟକ କୁଲଦୀପ ସେନଗରଙ୍କ କ୍ଷେତ୍ରରେ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ମାମଲା ଏତେ ବଢ଼ି ନଥାନ୍ତା। ମାୟାବତୀ ପ୍ରଶାସନକୁ ପ୍ରତ୍ୟକ୍ଷ ନିୟନ୍ତ୍ରଣ କରିବାର ଦକ୍ଷତା ରଖିଥିଲେ। ସୁପ୍ରଶାସନ ପାଇଁ ସେ ବିଖ୍ୟାତ ଥିଲେ।ଚକେବଳ ସେତିକି ନୁହେଁ; ମାୟାବତୀ ଓ ପଞ୍ଚିମବଙ୍ଗର ମମତା ବାନାର୍ଜୀଙ୍କୁ ଗଣମାଧ୍ୟମ ବଦନାମ କରିଛନ୍ତି ବୋଲି କହିବାକୁ ମଧ୍ୟ ସେ ପଛାଇ ନାହାନ୍ତି। ମମତା ଏବେ ବହୁ ବିଜେପି ଶାସିତ ରାଜ୍ୟଠାରୁ ଭଲ କାମ କରୁଥିବା ସେ ବର୍ଣ୍ଣନା କରିଛନ୍ତି। ଏକ ଟିଭି ଚାନେଲକୁ ସାକ୍ଷାତକାର ସମୟରେ ସେ କହିଥିବା ଏଭଳି କଥା ଏବେ ସାମାଜିକ ଗଣମାଧ୍ୟମରେ ଛାଇ ଯାଇଛି; ଫଳରେ ମନ୍ତ୍ରୀ ସ୍ୱାମୀ ପ୍ରସାଦ ଅଡ଼ୁଆରେ ପଡ଼ିଯାଇଛନ୍ତି।
Popular Categories
Previous article
Next article