ଫିଫା କାର୍ଯ୍ୟନିର୍ବାହୀ ପରିଷଦର ସଦସ୍ୟ ହେବେ ପ୍ରଫୁଲ୍ଲ ପଟେଲ୍!
ନୂଆଦିଲ୍ଲୀ : ସର୍ବଭାରତୀୟ ଫୁଟବଲ ମହାସଂଘର ସଭାପତି ପ୍ରଫୁଲ୍ଲ ପଟେଲ୍ ପ୍ରଥମ ଭାରତୀୟ ଭାବେ ଫିଫା କାର୍ଯ୍ୟନିର୍ବାହୀ ପରିଷଦର ସଦସ୍ୟ ହେବାକୁ ଯାଉଛନ୍ତି। ସେ ୪ ବର୍ଷ ପାଇଁ ସଦସ୍ୟ ଭାବେ କାର୍ଯ୍ୟ କରିବେ। ଆସନ୍ତା ୬ରେ ଏସିଆନ୍ ଫୁଟବଲ ମହାସଂଘର ନିର୍ବାଚନ ମାଲେସିଆରେ ଅନୁଷ୍ଠିତ ହେବ। ଏହି ନିର୍ବାଚନରେ ଜିତି ପ୍ରଫୁଲ୍ଲ ଫିଫା କାର୍ଯ୍ୟନିର୍ବାହୀ ପରିଷଦର ସଦସ୍ୟ ଭାବେ ମନୋନୀତ ହେବା ନିଶ୍ଚିତ ବୋଲି ସର୍ବଭାରତୀୟ ଫୁଟବଲ ମହାସଂଘ ତରଫରୁ ଗଣମାଧ୍ୟମକୁ ସୂଚନା ଦିଆଯାଇଛି। ଏସିଆନ୍ ଫୁଟବଲ୍ ମହାସଂଘ ନିର୍ବାଚନରେ ୮ଜଣ ପ୍ରତିଦ୍ବନ୍ଦ୍ବିତା କରୁଥିବା ବେଳେ ସେମାନଙ୍କ ମଧ୍ୟରୁ ୫ଜଣ ଫିଫା କାର୍ଯ୍ୟନିର୍ବାହୀ ପରିଷଦର ସଦସ୍ୟ ଭାବେ ନିର୍ବାଚିତ ହେବେ। ପ୍ରଫୁଲଙ୍କ ବ୍ୟତୀତ କାତାରର ସାଉଦ୍ ଏ ଅଜିଜ୍, ସାଉଦି ଆରବର ଖଲିଦ୍ ଆୱାଦ୍, ଫିଲିପାଇନ୍ସର ମାରିଆନୋ ଜୁନିୟର, କୋରିଆର ଚୁଙ୍ଗ୍ ମୋଙ୍ଗ୍, ଚୀନ୍ର ଡୁ ଝାଓସାଇ, ଇରାନ୍ର ମେହଦି ତାଜ୍ ଓ ଜାପାନର ଖୋଜୋ ତସିମା ପ୍ରତିଦ୍ବନ୍ଦ୍ବିତା କରୁଛନ୍ତି।
Comments are closed.