ଖରାଦିନରେ ସାଧାରଣତଃ ଅଧିକାଂଶ ଶୋଷ ଲାଗିଥାଏ। ବିଭିନ୍ନ ପ୍ରକାରର ଖାଦ୍ୟଦ୍ରବ୍ୟ ମଧ୍ୟ ଶରୀର ଉପରେ ପ୍ରଭାବ ପକାଇଥାଏ। ଏହି ଦିନରେ ପେଟ ଥଣ୍ଡା ରହିବା ନିତ୍ୟାନ୍ତ ଜରୁରୀ ଅଟେ। ପେଟ ଥଣ୍ଡା ରହିବା ଦ୍ୱାରା ପେଟ ଜନିତ ସମସ୍ୟା ମଧ୍ୟ ଦୂର ହୋଇଥାଏ। ହଜମ ସୂଚାରୁ ରୂପେ ହୋଇଥାଏ। ଘରେ ପ୍ରସ୍ତୁତ ଏକ ପାନୀୟ ପେଟକୁ ଥଣ୍ଡା ରଖିବାରେ ଖୁବ ସହାୟକ ହୋଇଥାଏ। ଜାଣନ୍ତୁ ତାହାକୁ କିପରି ପ୍ରସ୍ତୁତ କରିବେ…
କାକୁଡ଼ି ପୁଦିନା ଜୁସ
ଆବଶ୍ୟକ ସାମଗ୍ରୀ
କଟା କାକୁଡ଼ି – ୨ଟି
ପୁଦିନା ପତ୍ର – ୨୦ରୁ ୨୫ଟି
ଲେମ୍ବୁ ଖଣ୍ଡ – ଅଳ୍ପ
ଲେମ୍ବୁ ରସ – ୪ ଚାମଚ
ଚିନି – ୪ ଚାମଚ
ପାଣି – ୫କପ
ବରଫ ଖଣ୍ଡ – ୩ରୁ ୪ଟି
ପ୍ରସ୍ତୁତି ପ୍ରଣାଳୀ – ପ୍ରଥମେ କାକୁଡ଼ିକୁ ଧୋଇ କାଟି ଦିଅନ୍ତୁ। ଏହାପରେ କାକୁଡ଼ି ଓ ପୁଦିନା ପତ୍ରକୁ ପକାଇ ଭଲ ଭାବେ ପେଷି ଦିଅନ୍ତୁ। ଏହାପରେ ଏଥିରେ ଲେମ୍ବୁ ରସ, ଚିନି ,ପାଣି, ପକାଇ ପୁଣି ପେଷି ଦିଅନ୍ତୁ। ପେଷିବା ପରେ ଏହାକୁ ଏକ ଗ୍ଲାସକୁ କାଢି ଏଥିରେ ବରଫ ଖଣ୍ଡ, ସାମାନ୍ୟ କଳା ଲୁଣ, ପୁଦିନା ପତ୍ର ପକାଇ ପିଅନ୍ତୁ।
