ଆୟୁର୍ବେଦରେ ଯେକୌଣସି ରୋଗର ଚିକିତ୍ସା କରାଯାଇ ପାରେ। ଏହା ସ୍ବାସ୍ଥ୍ୟ ଠିକ କରିବା ସହ ଶରୀରର ଅନେକ ଉପକାର କରିଥାଏ। ଆୟୁର୍ବେଦରେ ସ୍ବାସ୍ଥ୍ୟ ପାଇଁ କିଛି ଟିପ୍ସ ରହିଛି। ତାହାକୁ ମାନିବା ଦ୍ବାରା ପ୍ରତ୍ୟେକ ବ୍ୟକ୍ତି ରୋଗ ଠାରୁ ଦୂରେଇ ରହିପାରିବେ।
ଆସନ୍ତୁ ଜାଣିବା ଟିପ୍ସଗୁଡିକ ସମ୍ବନ୍ଧରେ ..
ପ୍ରତିଦିନ ସକାଳୁ ଉଠି ଉଷୁମ ପାଣି ପିଇବା ଉଚିତ। ଏହାକୁ ଆସ୍ତେ ଆସ୍ତେ ପିଇବା ଉଚିତ। ପାଣି ପିଇବା ବେଳେ ସର୍ବଦା ବସି ପିଇବା ଉଚିତ।
ଖାଦ୍ୟ ଖାଇବା ବେଳେ ସର୍ବଦା ତାକୁ ଭଲ ଭାବେ ଚୋବାଇ ଖାଇବା ଉଚିତ। ତାପରେ ତାକୁ ଢୋକିବା ଉଚିତ। ଏପରି କରିବା ଦ୍ବାରା ଖାଦ୍ୟ ସଠିକ ଭାବେ ଶରୀରକୁ ଯାଇ ହଜମ ହୋଇପାରିବ।
ସର୍ବଦା ସଠିକ ସମୟରେ ସଠିକ ପରିମାଣରେ ଖାଦ୍ୟ ଖାଇବା ଉଚିତ। ସକାଳେ କେବେ ବି ଭୋକିଲା ରହିବା ଉଚିତ ନୁହେଁ। କାରଣ ଏହାର କୁପ୍ରଭାବ ସିଧାସଳଖ ଆପଣଙ୍କ ସ୍ବାସ୍ଥ୍ୟ ଉପରେ ପଡିଥାଏ।
ଖାଦ୍ୟ ଖାଇବା ପରେ ସଙ୍ଗେ ସଙ୍ଗେ ପାଣି ପିଅନ୍ତ ନାହିଁ। ଖାଇବାର ୪୦ମିନିଟ ପରେ ପାଣି ପିଇବା ଉଚିତ। ଏହାସହ ଖାଇବାର ୪୫ମିନିଟ ପୂର୍ବରୁ ପାଣି ପିଇବା ଉଚିତ।
ରାତିରେ ଶୋଇବାକୁ ଯିବା ପୂର୍ବରୁ କିଛି ସମୟ ଚାଲିବା ଉଚିତ। ଏପରି କରିବା ଦ୍ବାରା ଶରୀରର ଓଜନ ନିୟନ୍ତ୍ରିତ ରହିବା ସହ ସ୍ବାସ୍ଥ୍ୟ ଉତ୍ତମ ରହିଥାଏ।
ବେଳେବେଳେ କ୍ଷୀର ସହ ହଳଦି ମିଶାଇ ପିଇବା ଉଚିତ। କାରଣ ଏହା ଶରୀରରୁ ବ୍ୟାକ୍ଟେରିଆ ବାହାର କରିଥାଏ।
