ବାଲେଶ୍ବର : ବାଲେଶ୍ବର ଜିଲା ନୀଳଗିରି ବ୍ଲକ ଅଧୀନସ୍ଥ କାଳିଝାଟି ଗ୍ରାମରେ ୧୫ ଫୁଟର ଏକ ଅହିରାଜ ବା କିଙ୍ଗ୍ କୋବ୍ରା ସାପକୁ ଉଦ୍ଧାର କରାଯାଇଛି। ଏହି ବିଷଧର ସାପକୁ ଉଦ୍ଧାର କରିଛନ୍ତି ବାଲେଶ୍ବର ଅନରାରୀ ୱାଇଲ୍ଡ ଲାଇଫ ୱାର୍ଡେନ ତଥା ନୀଳଗିରି ରାଜ ପରିବାର ସଦସ୍ୟ ପ୍ରକାଶ ମର୍ଦରାଜ ଓ ତାଙ୍କ ଟିମ୍। ଏଥିସହିତ ସାପର ଚିକିତ୍ସା କରାଇ ତାକୁ କୁଲଡିହା ଅଭୟାରଣ୍ୟରେ ଛାଡ଼ିଛନ୍ତି।
ସୂଚନା ଅନୁସାରେ, ସାପର ଗର୍ଜନ ଶୁଣି ଗାଁ ଲୋକେ ସାପକୁ ଦେଖିବା ପରେ ପ୍ରକାଶଙ୍କୁ ଖବର ଦେଇଥିଲେ। ଗ୍ରାମବାସୀଙ୍କ ଖବର ପାଇଁ ପ୍ରକାଶ ନିଜ ଟିମ୍ ସହ ଆସି ସେଠାରେ ପହଞ୍ଚି ସାପକୁ ଉଦ୍ଧାର କରିଥିଲେ।