ମୁମ୍ବଇ: କିମ୍ବଦନ୍ତୀ ଫୁଟବଲ ଖେଳାଳି ଲିଓନେଲ୍ ମେସିଙ୍କ ଭାରତ ଗସ୍ତର ଦ୍ୱିତୀୟ ଦିନ । ଗତକାଲି କଲକାତା ଏବଂ ହାଇଦ୍ରାବାଦରେ ଯୋଗ ଦେବା ପରେ ଆଜି ମୁମ୍ବଇ ଆସିବେ ମେସି । ବ୍ରାବୋର୍ଣ୍ଣ ଷ୍ଟାଡିୟମରେ ପ୍ୟାଡେଲ ଗୋଟ୍ କପ୍ ପାଇଁ ମେସିଙ୍କୁ ସ୍ୱାଗତ କରାଯିବ । ଏହାପରେ ବଲିଉଡର ଅଭିନେତାମାନଙ୍କୁ ନେଇ ଏକ ସେଲିବ୍ରେଟି ଫୁଟବଲ ମ୍ୟାଚ୍ ଅନୁଷ୍ଠିତ ହେବ । ପ୍ୟାଡେଲ କାର୍ଯ୍ୟକ୍ରମରେ ଶାହାରୁଖ ଖାନ ଏବଂ ସଚିନ ତେନ୍ଦୁଲକର ଉପସ୍ଥିତ ରହିପାରନ୍ତି । ଆସନ୍ତକାଲି ଅରୁଣ ଜେଟଲୀ ଷ୍ଟାଡିୟମରେ ହେବାକୁ ଥିବା କାର୍ଯ୍ୟକ୍ରମ ପାଇଁ ନୂଆଦିଲ୍ଲୀ ଯିବେ । ଏଠାରେ ଭାରତୀୟ କ୍ରିକେଟର ମାନେ ଉପସ୍ଥିତ ରହିପାରନ୍ତି । ୧୫ରେ ଦିଲ୍ଲୀ କାର୍ଯ୍ୟକ୍ରମ ସାରି ଆର୍ଜେଣ୍ଟିନା ଫେରିଯିବେ ଲିଓନେଲ୍ ମେସି ।
ଗଣମାଧ୍ୟମ ରିପୋର୍ଟ ଅନୁସାରେ, ଲିଓନେଲ ମେସି ଏବଂ ଲୁଇସ୍ ସୁଆରଜେ ମଧ୍ୟାହ୍ନ ପୂର୍ବରୁ ମୁମ୍ବାଇରେ ପହଞ୍ଚିବେ। ସେମାନଙ୍କର କାର୍ଯ୍ୟକ୍ରମ ଅପରାହ୍ନ ୩:୩୦ ରେ ଆରମ୍ଭ ହେବାର କାର୍ଯ୍ୟକ୍ରମ ରହିଛି, ଏବଂ ସେମାନେ ମୁମ୍ବାଇରେ ପହଞ୍ଚିବା ପୂର୍ବରୁ ହୋଟେଲରେ କିଛି ସମୟ ବିଶ୍ରାମ ନେବାର କାର୍ଯ୍ୟକ୍ରମ ରହିଛି।
