ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସ(୮ ମାର୍ଚ୍ଚ) ଅବସରରେ ମୁକ୍ତିଲାଭ କରିଛି ଓଲିଉଡ଼ ଅଭିନେତ୍ରୀ ଅର୍ଚ୍ଚିତାଙ୍କ ଅଭିନୀତ ଓଡ଼ିଆ ଚଳଚ୍ଚିତ୍ର ‘ଚାମ୍ପିଆନ୍’। ଏଥିରେ ଅର୍ଚ୍ଚିତାଙ୍କୁ ଜଣେ ବକ୍ସର ଭୂମିକାରେ ଦେଖିବାକୁ ମିଳିଛି। ଚଳଚ୍ଚିତ୍ରର ନିର୍ଦ୍ଦେଶନା ଭାର କେ.ମୂରଲୀ କ୍ରିଷ୍ଣା ବହନ କରିଥିବା ବେଳେ ଏନ୍.ଗଙ୍ଗାଧର ଏବଂ ପି.ଦିପ୍ତୀରାଣୀ ଏହାର ପ୍ରଯୋଜନା ଦାୟିତ୍ବ ବହନ କରିଛନ୍ତି।
ଗୋଟିଏ ଗାଉଁଲି ଝିଅ କେମିତି ଜୀବନର ପ୍ରତ୍ୟେକ ସ୍ତରରେ ଲଢ଼ି ଆଗକୁ ଯାଉଛି ଏବଂ ଶେଷରେ ଜଣେ ବକ୍ସର ଭାବେ ନିଜକୁ ପ୍ରତିଷ୍ଠିତ କରିପାରିଛି ତାହାକୁ ନେଇ ଚଳଚ୍ଚିତ୍ରର କାହାଣୀ ଗତିଶୀଳ ହୋଇଛି। ତେବେ ଏହି ଚଳଚ୍ଚିତ୍ର ମହିଳାମାନଙ୍କୁ ପ୍ରେରଣା ଦେବ ବୋଲି କହିଛନ୍ତି ଅର୍ଚ୍ଚିତା।
