ନୂଆଦିଲ୍ଲୀ : ସେବା ଓ ସାମଗ୍ରୀ ଟିକସ (ଜିଏସଟି) ଲାଗୁ ପରେ ନୂଆ ଦର ୨୨ ସେପ୍ଟେମ୍ବର ୨୦୨୫ରୁ ଲାଗୁ ହେବାକୁ ଯାଉଛି । ଏହା ପୂର୍ବରୁୁ କ୍ଷୀର, ଘିଅ, ଲହୁଣୀ ସମେତ ଅନେକ ଖାଦ୍ୟପେୟ ଜିନିଷର ନୂଆ ଦାମ୍ର ତାଲିକା ସାମ୍ନାକୁ ଆସିଛି । ଜିଏସଟିର ନୂଆ ଦର ଲାଗୁ ହେବା ପୂର୍ବରୁ ମଦର୍ ଡେରୀ କ୍ଷୀର, ଘିଅ, ପନୀର, ଚିଜ୍ ଆଦିର ଦାମ୍ ହ୍ରାସ କରି ନୂଆ ତାଲିକା ସାମ୍ନାକୁ ଆଣିଛି ।
ନୂତନ ଦର ତାଲିକା ଅନୁଯାୟୀ, ଏକ ଲିଟର ଟେଟ୍ରା ପ୍ୟାକ୍ କ୍ଷୀର ଯାହା ପୂର୍ବରୁ ୫% ଜିଏସଟି ସହିତ ୭୭ ଟଙ୍କାରେ ଉପଲବ୍ଧ ଥିଲା, ତାହା ଏବେ ୭୫ ଟଙ୍କାରେ ଉପଲବ୍ଧ ହେବ। ଘିଅର ଏକ ଟିଣ ଯାହା ୭୫୦ ଟଙ୍କାରେ ଉପଲବ୍ଧ ଥିଲା, ତାହା ଏବେ ୭୨୦ ଟଙ୍କାରେ ଉପଲବ୍ଧ ହେବ। ୨୦୦ ଗ୍ରାମ ପନିର ୯୫ ଟଙ୍କାରେ ଉପଲବ୍ଧ ଥିଲା, କିନ୍ତୁ ଏବେ ଏହା ୯୨ ଟଙ୍କାରେ ଉପଲବ୍ଧ ହେବ। ୨୦୦ ଗ୍ରାମ ପନିର ସ୍ଲାଇସ୍ ୧୭୦ ଟଙ୍କାରେ ଉପଲବ୍ଧ ଥିଲା, କିନ୍ତୁ ଏବେ ଏହା ୧୬୦ ଟଙ୍କାରେ ଉପଲବ୍ଧ ହେବ।
୪୦୦ ଗ୍ରାମ ପନିର ପ୍ୟାକେଟର ମୂଲ୍ୟ ୧୮୦ ଟଙ୍କା ଥିଲା, ଯାହା ଏବେ ୧୭୪ ଟଙ୍କାରେ ଉପଲବ୍ଧ ହେବ। ୨୦୦ ଗ୍ରାମ ମଲାଇ ପନିର ପ୍ୟାକେଟର ମୂଲ୍ୟ ୧୦୦ ଟଙ୍କା ଥିଲା, ଯାହା ଏବେ ୯୭ ଟଙ୍କାରେ ଉପଲବ୍ଧ। ମଦର ଡେରୀର ଟେଟ୍ରା ପ୍ୟାକ୍ କ୍ଷୀରର ୪୫୦ ଏମଏଲ ପ୍ୟାକେଟର ମୂଲ୍ୟ ପୂର୍ବରୁ ୩୩ ଟଙ୍କା ଥିଲା, କିନ୍ତୁ ଏବେ ଏହା ୩୨ ଟଙ୍କାରେ ଉପଲବ୍ଧ ହେବ। ୧୮୦ ଏମଏଲ ମିଲ୍କଶେକ୍ ପ୍ୟାକେଟର ମୂଲ୍ୟ ଏବେ ୩୦ ଟଙ୍କା ବଦଳରେ ୨୮ ଟଙ୍କାରେ ଉପଲବ୍ଧ ହେବ।
ଅଛି କି ଆପଣଙ୍କ ରାଶି? ଏମାନଙ୍କୁ କରିବେ ମାଲାମାଲ୍, ଏକାଠି ହେବେ ଶନି-ବୁଧ..
ନୂତନ ଜିଏସଟି ହାର ଘୋଷଣା ପରେ, ମଦର ଡେରୀ ପ୍ରତ୍ୟେକ ଜିନିଷର ମୂଲ୍ୟ ୨ ରୁ ୩ ଟଙ୍କା ହ୍ରାସ କରି ଗ୍ରାହକମାନଙ୍କୁ ଏକ ବଡ଼ ଆଶ୍ୱସ୍ତି ଦେଇଛି, କାରଣ ପ୍ରତ୍ୟେକ ଘରେ ବ୍ୟବହୃତ ହେଉଥିବା ନିତ୍ୟ ବ୍ୟବହାର୍ଯ୍ୟ ଖାଦ୍ୟ ସାମଗ୍ରୀ ଏବେ ୫ ପ୍ରତିଶତ ଜିଏସଟି ପରିସରକୁ ଆସିଛି।
