ନୂଆଦିଲ୍ଲୀ : ସୁରେଶ ରୈନା ଓ ଶିଖର ଧୱନ ପରେ ବର୍ତ୍ତମାନ ଭାରତୀୟ କ୍ରିକେଟ ଇତିହାସର ସବୁଠାରୁ ବଡ ଖେଳାଳି ଯୁବରାଜ ସିଂହ ମଧ୍ୟ ଇଡି ଜାଲରେ ଫସିବା ସହ ତାଙ୍କ ଅଡୁଆ ବଢିଛି । ତାଙ୍କୁ ବେଟିଂ ଆପ୍ ପ୍ରମୋସନ ସହ ଜଡିତ ମାମଲାରେ ପଚରାଉଚରା କରାଯାଉଛି । ଲଗାତାର ଇଡି ଦ୍ୱାରା ସେଲିବ୍ରିଟି, କ୍ରିକେଟରଙ୍କୁ ଅନ୍ଲାଇନ୍ ବେଟିଂ ଆପ୍ ପ୍ରମୋସନ ପାଇଁ ବାରମ୍ବାର ପଚରାଉଚରା କରାଯାଉଛି । ବର୍ତ୍ତମାନ ଯୁବରାଜ ସିଂହ ମଧ୍ୟ ଏହି ତାଲିକାରେ ଯୋଡି ହୋଇଛନ୍ତି ।
ଯୁବରାଜ ସିଂହଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ସମନ ଜାରି କରିଛି ଏବଂ ତାଙ୍କୁ ଦିଲ୍ଲୀସ୍ଥିତ ମୁଖ୍ୟାଳୟକୁ ଡକାଯାଇଛି। ତାଙ୍କୁ ୨୩ ସେପ୍ଟେମ୍ବର ୨୦୨୫ରେ ହାଜର ହେବାକୁ କୁହାଯାଇଛି। ୱାନଏକ୍ସବେଟ୍ (OneXBet) ନାମକ ଏକ ବେଟିଂ ଆପ୍ ମାମଲା ସହିତ ଜଡିତ। ପୂର୍ବରୁ ଶିଖର ଧୱନ ଏବଂ ସୁରେଶ ରୈନାଙ୍କୁ ମଧ୍ୟ ଇଡି ପଚରାଉଚରା କରିଥିଲା।
ସେହିପରି ବଲିଉଡ୍ ଅଭିନେତ୍ରୀ ଉର୍ବଶୀ, ପୂର୍ବତନ ସାଂସଦ ମିମି ଚକ୍ରବର୍ତ୍ତୀଙ୍କ ପରେ ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ବେଆଇନ ବେଟିଂ ଆପ୍ ସହ ଜଡିତ ବେଆଇନ ଅର୍ଥ କାରବାର ମାମଲାରେ ଅଭିନେତା ସୋନୁ ସୁଦଙ୍କୁ ପଚରାଉଚରା ପାଇଁ ସମନ କରିଛି। ବେଆଇନ ଅନଲାଇନ୍ ବେଟିଂ ଆପ୍ ସମ୍ପର୍କରେ ସୋନୁ ସୁଦ ଇଡିର ନଜରରେ ଆସିଛନ୍ତି।
ଇଡି ସୋନୁ ସୁଦଙ୍କୁ ସେପ୍ଟେମ୍ବର ୨୪ ତାରିଖରେ ଦିଲ୍ଲୀସ୍ଥିତ ମୁଖ୍ୟାଳୟରେ ହାଜର ହେବାକୁ ନିର୍ଦ୍ଦେଶ ଦେଇଛି। ଏଜେନ୍ସି ବିଶ୍ୱାସ କରେ ଯେ ତାଙ୍କର ଏକ ଅନଲାଇନ୍ ପ୍ଲାଟଫର୍ମ ସହିତ ଏକ ପ୍ରଚାରମୂଳକ ସମ୍ପର୍କ ଥିଲା ଯାହା ଭାରତରେ ନିଷିଦ୍ଧ। ଏହି ଆପ୍ ବେଆଇନ ଅନଲାଇନ୍ ବେଟିଂ ଏବଂ ବେଆଇନ ଅର୍ଥ କାରବାରରେ ଜଡିତ ବୋଲି ଅଭିଯୋଗ ହୋଇଛି।
ଅଛି କି ଆପଣଙ୍କ ରାଶି? ଏମାନଙ୍କୁ କରିବେ ମାଲାମାଲ୍, ଏକାଠି ହେବେ ଶନି-ବୁଧ..
ଭାରତର ଟାରିଫ୍ ହ୍ରାସ କରିବେ କି ଟ୍ରମ୍ପ? ଦିଲ୍ଲୀରେ ଆରମ୍ଭ ହେଲା ବାଣିଜ୍ୟ ଆଲୋଚନା
