ରେଙ୍ଗାଲିକ୍ୟାମ୍ପ: ସୁଧୁରି ପାରୁ ନାହିଁ ଚାଷୀଙ୍କ ସମସ୍ୟା। ଦୀର୍ଘ ୧୭ ଦିନ ଧରି ତାଲା ଝୁଲୁଛି ବରଗଡ଼ ଜିଲ୍ଲା ଅତାବିରା ବ୍ଲକ ଅର୍ନ୍ତଗତ ଝିଲିମିଣ୍ଡା ପ୍ରାଥମିକ ସେବା ସମବାୟ ସମିତି ଏବଂ ପତ୍ରାପାଳି ମାର୍କେଟ ୟାର୍ଡଠାରେ। ସମିତିର ଚାଷୀ ପଞ୍ଜିକରଣ କରାଯାଉଥିବା ଅଫିସରେ ଅଗଷ୍ଟ ମାସ ୨୬ ତାରିଖରୁ ଚାଷୀମାନେ ଚାଷୀ ପଞ୍ଜିକରଣ ଅବଧି ବଢ଼ାଇବା ପାଇଁ ତାଲା ପକାଇବା ୧୭ ଦିନ ବିତି ଯାଇଥିଲେ ମଧ୍ୟ ପ୍ରଶାସନ ସମାଧାନ କରି ପାରୁନଥିବାରୁ ସମିତିରେ କାର୍ଯ୍ୟ ଠପ୍ ହୋଇ ଯାଇଛି।
ଗତକାଲି ଝିଲିମିଣ୍ଡା ପେକ ସଭାପତି ହରେକୃଷ୍ଣ ପ୍ରଧାନ, ନିର୍ଦ୍ଦେଶକ ସଞ୍ଜୀବ ତ୍ରିପାଠୀ, ଯାଦବ ଭୋଇ, ଭଗବାନ ପ୍ରଧାନ, ସୁରେଶ କର୍ଣ୍ଣ, ବେଦମଣୀ ପ୍ରଧାନଙ୍କ ସମେତ ପଞ୍ଜିକରଣରୁ ବଞ୍ଚିତ ହୋଇଥିବା ଚାଷୀ ବରଗଡ଼ ଏଆରସିଏସ କାର୍ଯ୍ୟାଳୟରେ ଆଲୋଚନା କରି ଅବଧି ବୃଦ୍ଧି ପାଇଁ କହିଥିଲେ। କିନ୍ତୁ ଏଆରସିଏସ ଉପରିସ୍ଥ ଅଧିକାରୀଙ୍କ ସହ ଆଲୋଚନା କରି ନିଷ୍କର୍ଷ ବାହାରିବା ପରେ ସନ୍ଧ୍ୟାରେ ଯାଇ ଚାଷୀଙ୍କ ସହ ଆଲୋଚନା କରିବା ପାଇଁ କହିଥିଲେ। ସନ୍ଧ୍ୟାରେ ବରଗଡ଼ ଡି ଆର୍ ସି ଏସ, ଅତାବିରା ତହସିଲଦାର କେ, ରିଚି କୁମାର, ଥାନା ଅଧିକାରୀ ପ୍ରକାଶ କର୍ଣ୍ଣଙ୍କ ଉପସ୍ଥିତିରେ ତାଲା ଖୋଲିଥିଲେ ଏବଂ ଚାଷୀଙ୍କ ସହ ଆଲୋଚନା କରିବା ପାଇଁ କହିଥିଲେ। କିନ୍ତୁ ଚାଷୀମାନେ କୌଣସି ଆଲୋଚନା ପାଇଁ ମନା କରି, ଯେ ପର୍ଯ୍ୟନ୍ତ ପଞ୍ଜିକରଣ ଅବଧି ବୃଦ୍ଧି ନହୋଇଛି, ସେ ପର୍ଯ୍ୟନ୍ତ ତାଲା ଝୁଲିବ ବୋଲି କହି ପୁଣି ତାଲା ମାରିଛନ୍ତି । ଦାବୀ ପୂରଣ ନ ହେଲେ ରବି ଫସଲ ବେଳେ ଅଞ୍ଚଳର ସମସ୍ତ ମାର୍କେଟ ୟାର୍ଡରେ ମଧ୍ୟ ତାଲା ମାରିବେ ବୋଲି ଚେତାବନୀ ଦେବା ପରେ କୌଣସି ବିକଳ୍ପ ନ ପାଇଁ ଅଧିକାରୀ ଫେରିଗଲେ ।
ଜିଏସଟି.. ୨.୭୦ ଲକ୍ଷ ପର୍ଯ୍ୟନ୍ତ ଶସ୍ତା ହେଲା କାର୍ ଦାମ୍ ; ୪.୮୦ ଲକ୍ଷରେ ଜବରଦସ୍ତ କାର୍
