ନୂଆଦିଲ୍ଲୀ : ଜିଏସଟିରେ ହୋଇଥିବା ପରିବର୍ତ୍ତନର ପ୍ରଭାବ ଗାଡି ଗୁଡିକରେ ଦେଖାଯିବା ଆରମ୍ଭ ହୋଇଛି । ଅନେକ କାର୍ କମ୍ପାନୀ ଦାମ୍ କମ୍ କରିଥିବା ନେଇ ଘୋଷଣା କରିଛନ୍ତି ।
ଏହା ମଧ୍ୟରେ Citroen ଇଣ୍ଡିଆ ଘୋଷଣା କରିଛି ଯେ, ନିକଟରେ ଲାଗୁ ହୋଇଥିବା ଜିଏସଟି ୨.୦ ପରିବର୍ତ୍ତନର ସମ୍ପୂର୍ଣ୍ଣ ଲାଭ ସିଧାସଳଖ ଗ୍ରାହକଙ୍କୁ ମିଳିବ । ଭାରତୀୟ ବଜାରରେ ୬ ଆଇସିଇ ମଡେଲ ବିକ୍ରି କରିଥାଏ । ଏଥିରେ ସି୩, ସି୩ଏକ୍ସ ମଧ୍ୟ ସାମିଲ ରହିଛି ।
ସି୩ ଓ ସି୩ଏକ୍ସର ଦାମ୍ରେ ଅଧିକରୁ ଅଧିକ ୮୪,୦୦୦ ଟଙ୍କା ହ୍ରାସ ହୋଇଛି । ଏବେ ଏହାର ଆରମ୍ଭ ଦାମ୍ ୪.୮୦ ଲକ୍ଷ ଟଙ୍କା (ଏକ୍ସ-ଶୋରୁମ୍)ରେ ହୋଇଛି ।
କମ୍ପାନୀର କହିବାନୁଯାୟୀ, ଏୟାରକ୍ରସ୍ ଏସୟୁଭଭିର ୫ ଓ ୭ ସିଟର ଭାରିଆଣ୍ଟରେ ପ୍ରାୟ ୫୦,୦୦୦ ଟଙ୍କା ହ୍ରାସ ହୋଇଛି । ଏହାର ଆରମ୍ଭ ଦାମ୍ ୮.୬୨ ଲକ୍ଷ ଟଙ୍କା ।
କମ୍ପାନୀ ନିକଟରେ ଲଞ୍ଚ କରିଥିବା ନିଜର କୃପେ ଷ୍ଟାଇଲ୍ ଏସୟୁଭି ବାସଲ୍ଟର ଦାମ୍ରେ ମଧ୍ୟ ହ୍ରାସ କରିଛି । ଏବେ ଏହାର ଆରମ୍ଭ ଦାମ୍ ୭.୯୫ ଲକ୍ଷ ରହିଛି ।
ସେହିଭଳି ସି୫ ଏୟାରକ୍ରସ ଏସୟୁଭିରେ ସବୁଠାରୁ ଅଧିକ ଲାଭ ଦେଉଛି । ଏହାର ଦାମ୍ ୨.୭ ଲକ୍ଷ ଟଙ୍କା ହ୍ରାସ କରିଛି ।
୨୨ ସେପ୍ଟେମ୍ବର ପରେ ଏହି ଏସୟୁଭି ୩୭.୩୨ ଲକ୍ଷ ଟଙ୍କାର ଆରମ୍ଭ ଦାମ୍ରେ ମିଳିବ ।
